1 Ko ji ni chu ilo, kodjoi, furi chu ku Ginri nji makedonia na ndru dho na zolo. 2 bbo mbudha kalu ndi bae kpa ro, kpadhi bb kwe ndirigoti bbo njedha furi chu lieri kpadhi mali ki ndrni jukajuka. 3 Fukpa, mari po nidho ngaro do ro, bbue ndima dhi bbudha ndimaro rie ndimatho thina nari bbai, kpo ndima ra ri gu bbu da da nga djolu nanga tsi chu kpo, 4 Kpa nzie ri kotso bbo zo na ndima nji nji ro kpo Ginri dza tsetse na nokpa djo. 5 kpa nza bbue ndimadhi ritsi kothie ddi nari bbai chu di ri, ro kpa bbue ndima chu nji Ginri dho, furi goti kodho maddi, Ginri jieri nari bbai. 6 Konzieri Tito tso ke dya ni bba fu bblo nganga ku na nji tso, ngba ndi ngaeri tso nari bbai dhe. 7 Ni nie tuni kpri kru kunalo lu nari bbai dhe, udha nama, lo na ma, nyodyu na ma,chu le nga nja nyodyu na nari lu ma, ndirigotinidhi jidha kodho, na furi bbai dhe ani tuni kpri nidhi bblo nji na. 8 Manzi ilo po diddi nga le nga na lo bbai ri, ri ma po mambu na nja dd'i dhi kpakpa nga, furi na chu ma chu ni dhi ji dza bbubbu nga. 9 Dhonalo ni chu kodhi bboke Yesu Kristo dza zolo ngba, kechu njie ndi njedha bbai, nichundie bibini nake ro, ndiro chu njedha ba ndikuri na kochu leni bibini na ndru dd'e. 10 Ma madza ngaddidha bbu fulo djo; dhonalo riku nidho ka na lo, ni bblo ngae njitso anji chona na ndru, nga nji lu kpala ri, ro ji ni jie ni na lo lu maddi. 11 Kpadjo ani dya nidhi nji tso ni ma nie nga bbo glo ro ndiro chu nidya nidhi nji tso kpakpa lo kalu ma ngodhe dd'e. 12 Dhonalo njati le thi utso bblo nalo, ritso a uni ddiddi ledho kuna ritsi tsi dhe, nga nga ku le dho naritsi tsi riri. 13 Ri nga ku i mari po riri,ni chu ba njedha ndiri goti njandru iso chu pini pi riri, ro ri ji kru ku na lo di ddiddi: Kpadjo nga dho, 14 furo chu njakpa ko ndima tsotso, ddiddi nitsotso le ka le ko nari bbai, furo chu kru ku nalo di ddiddi dd'e, 15 ngba ri ndi ni i nari bbai: Bo sue ritsi nake dhona ritsi ro ngu bani bbo nza ddi, kari su ritsi nake tsori nzi ritsi gu ro. 16 Ro ri ji Ginri rodho ba madhas dho nalo ke chu lie fu kpakpanga Tito thi na ni djotsina; 17 dhonalo ke koe leiso pidha dhi lo kodho ro ndir goti u kpakpanga ma le thi dani ndindiro nari mana ke rae ni bba. 18 Ke nakocho ddinga kodhi djona mamni Ginri dza kweloi na na njutso Ginri nju na kru kuna njule na nake, 19 nga, furi kpali ri, ke vueni Ginri dza njule naro, nja ndi bbi kona ddinga dd'e koba na i zolo dhi lo na, konjinji kodhi Ginri dza kadha na ndiri goti kodhi ngba ko ka ka nari ma dhoni ddi dd'e . 20 Ko ri nji fu, nzi ddikpale ma dhu ko ro ro ko nji na nji kana ro bb'o ko a ndi ronga bb'o ro; 21 Dhonalo ko bblo lo ne, nga Ginri nji kpali ri, ro ninganga nji madd'i. 22 Kocho kpa na ddinga kodhi djona, bidjaina ko mbue ndi ro, kpadjo ke gu ku kpakpa pli ni djo ndi li ndi thi na lo dho. 23 Fulo dho, Tito djo kori po i, ke ku ddinga nji nji ko na na ke; kodjoi djo kori po i, kpa ku cho le cho Ginri dza njule naro na ndru Kristo dza madha dho. 24 Fulo dho, ani dho kpadho bbubbu ku na ji njutso njuni na njule nji, ndiri goti ani dhori kpa dho dhonalo ko madha ba kpa djotsina.