7

1 Njati rie fudi na koddo Ginri ko ko dho ri ro , bo ji dhi ma djoi, ako ba kodhoro nza bbu tse tse na le ndi ma le thi ma dhi pai pai ku na lo, ako dya kale tso ka Ginri do njidha na ku na lo tso blo. 2 Ani bbu kodhi didha ro ni thi na ! ddidho ko nji chelo ro ni kana iye ro ma nza, ko kwi ni kana iye thi ro ma nza dd'i, ko nza nyo ni kana ddikpale dho ritsi ro ma dd'i ri. 3 Fu ma lo ti na ri nga ku ni djo malo dd'i ri ri; dhonalo ma poeri blo chana ni ku naa kothi na shi le di nari ma dhe ma na. 4 Ni ma ji bbo pli, ma ma r li ni djotsina; ma iso ma pini nidhi lodho dd,i, ma thi di kwe na njati rie fubu ma ko nzani ri ro . 5 Dhonalo, kosie Makedonia na nanga djoro, ko ndi dd'e ndi ronga ro su nza; ko bbae kpakpa lo kru ku na nga la djoro ndiri goti kru ku na chulu: Aru gu ro si na li kpari ma, le thi na do ma na. 6 Ro Ginri, plo thi buni na ndru iso radi pi na ke,ve e ko iso pi Tito ndi cho ko dho na ri lu. 7 Ro ri chu nga Tito ndi cho nari lu kpala ri, ro ri ku nidhi lei so pidha furi chu Tito nja e nina nari :Ke ddra e kodho ni dhi bbo ni ji ma nari, ni dhi dyodd'a,nidhi kpakpanga ma djo, furi lie ri madza jidha gue bbo pli ddidjaina . Ngbabu ma bbue njedha nidho madza barua lu maro, manzi leni fulo naro ri. Rie le ma mave leni riro,- riku fu barua bbue njedha nidho nari dho, rddichu ku sese saa nu dho,- 9 Furo kpadjo ma kwe nji, nga nithi ku njedha na nari dho ri ri, ro ri ku nidhi fu njedha chu mbae ni le le ka le leni nari dhingana nari; dhonalo nibae njedha Ginri nji, nzi ni ba kpakpa lo kodjotsina njalo kpari lu ro. 10 Dhonalo, Ginri nji le ba na njedha le le leni dhona godha bbu nza naro le ka le leni nari, ro dzdjonga dhadjo di na njedha ch radi dhe go. 11 Ani nzi rinja di nidhi Ginri njie na fu jedha, rika bbue ngba kpa kpanga nidho, inga ngbari bbai ma le ka le dho le bbubbu lo dhiri na ndru ma, ka na nga kani na ndru ma, ni do nji na ndru ma ngbabbu ku na kpakpanga mana, anzi le ka le ra nari ma, kpakpa ku na chenji kobe le ba nar ma! nidhoni fu lo nji kru ka ka e fulo nji nari bbai. 12 Njati rie barua ma ndie nidho riro, ri ngae nikana ddikpale dhu dhu nari dho riri, nga dhu le dhu na ddikpale djo djo maddi riri; ro rie ndiro nidhi kpakpanga kodho dhoeni Ginri nji dd'e. 13 Riku fulo dho chu koiso pieni ri. Ro koiso pieni nari kana kothi bae bbo kwe dhonalo Tito na kwe gue bbo pli ni djotsina. 14 Dhonalo njati madi madha ba nidjotsina kenji bi kunalo kpari djotsina riro, madjo nzi do ro pa ri, ro, chana kotie lo nidho kru dyiro bbubbu lo na nari bbai, kodhi madha Tito nji mara bani bbubbu lo nidd'i. 15 Furo ke ve nigu ji pli ndi thina, nidhi bblo ngardha ndi dd'i nari mana, furi goti nikoe ndi bbo do ddingana ta nironga ta roro. 16 Mananga jini dhonalo ku ma ku udhana nidjo kru lo lu.