1 Ko nji nji Ginri na na lodho,ko rinzi nitso nzi ni ko Ginri dza zolo pa nga ro nji ro. 2 Dhonalo Ginri po ri i : Bbo lo e nidjo na ngana ma ko e ni tsotso,godha dyina ma lo e niro lo.Anjari kpadjo ku bblo lodhi ddo,ndirigoti angu rinja iri ku godha dhi dyi. 3 Ko nza ji ri ko bbu ddikpa cho ka ndi cho Ginri dza nji ro ngatso na lo ro ma ri,nzi Ginri dza i nji ngu uni u ro. 4 Ro ko ko ngu Ginri dza nji tsena,ddiddi Ginri dza nji dhi kpa bbai,bbo ku na nga bb'odha kpakpa lo kana,njedha ma,d'od'o ma na, 5 dhi ma nru ko dhi,inga bedza na ma ko e ro,nga ma ngbuni ro,kpakpa nji kana ma,kere ddo na ma,nyo chidha dyi ma; 6 tse ko thi tse ro,nyodyu na ma,lo nga tudha na ma,bb'o ko di ro ma bblothi dza kpakpanga na ma,bbubbu ku na jidha kodho ro, 7 bbubbu ku na lo ko dra ro,kpakpa nga na,cho ku la dudha dho na ritsi ko va nari na mbudha tso ri gu na ritsi ma na bbubbu lo djo tsina. 8 Ko ra di di madha kana ma,do nru pa kodjo ro ma,chelo ma ndima ti kodjo ro ma,bblo lo ma ndima ti kodjo ro ma,nrudho ko ra di njani kali bai bbai ro richu ngue bbubbu lo dhe ko ra dra ri; 9 nza nyi chuni na nru bbai,bbo konyi chuni ro;bl'o dhe nari bbaifuro chu ko di shi dhe;nru ko dhi dhi ma,nza ndima che ko che ro; 10 zo chi djo na nru bbai,furo ma ko ngu di hwe na dhe,njedha dhi nru bbai,furochu kodho ritsi gu ndinga nya nya;nga dho ritsi ku na nru bbai,furo chu furo chu ko ngu di nidho ritsi ku na nru bbai. 11 Kotso we e nidho pulu,Korinto na nru,kothi tso e nidho pulu. 12 Ninza glo kodhi lodho ri;ro ni glo ni niro dhi lodho. 13 Ani ngu ni ko bbai,ma lo ti nidho ngba bbai ni maddi ani klo nithi klo chu ngu. 14 nzi ni gbani ddi nza u Yesu na nru na ddikpa mbi djo.Dhonalo bbubbu lo ma kana ka ku addu nga ku bbubbu na lo na? Ddima gba ka ndi gba titi nga ma tso kadha na nari ka ku addu? 15 Kristu ma kana ka ku ngba rrdha Beliali na? Ddima nza u Yesu na nru ma kana ka ku ngba bblo lo u u Yesu na nru na? 16 Ngba bblo lo ro chu ka ka ndi e Ginri dza ma kana godza na? dhonalo ko ku Ginri dza dza shi ndi di ro,ddiddi Ginri po ri nari bbai: Ma di ku ndirigoti ma bbi ku madza nru kalu;ma si e kpadhi Ginri,ndirigoti kpa sie madza nru. 17 Riku fulodho,ani tuni fudi na nru kana ro,ani ndoni kpa na ndo,bboke Ginri ri po;nzi ni lu nza ka na ritsi ronga,furigoti ma si ni koko ma kuso. 18 Ma si e nidho ddiddi le ba bbai,ndirigoti ni si e ma ddui ma ma dhai ma na,bboke kru ku na kpakpanga ba ripo