¹ Nibuumo tamubua buee, be kulo ko Mukota itu Yesu Kristo na makusanyiko itu kuli ge, ² Kilo kubilolo ubiyo mu mafikiri inu na kubilolo ku mutima inu, atekukulengena, ata ko baluba bumo ta bwanya, mosoo butu bo Tita bo kidja. ³ Kilo mia ku babua bepea be mata, bumo butu bote lule, lakini, badji bani belo mbele na mia ubale o badji osidjilé mwana o badji. ⁴ Ge ozuiza na kui sedja ge sine ku bimo be kubikia Mungunga, ao ku tamikia, ao kulika mu numa lé Mungunga na kuisedja ge sine buli Mungunga. ⁵ Mutakumbuliké bumo na besangilé na binu, na bukanyilé mu bime betono ? ⁶ Naumo, mukusiba lita anyilé kosekana ko wakati one. ⁷ Mosoo siri le budji ni bumo bukutumiko lakini otanyilé sasa otakuanya hata kutuka. ⁸ Bumo butu mudji oka sedjilé ni ge Mokota Yesu Kristo, oka mudja na pumuzi le kano seni na kumu kungika ko ufumo le kulo koni. ⁹ Kusuila ko mudji kuli ko mifano bo kukitiló ko shetani na buuka boni, na be kuangamia be mata. ¹⁰ Na be mata bemendi be kulimenya, mosoo beta pokilé mapeneto ko ukweli babe bea bo uokovu. ¹¹ Ko bibino betono Mungunga ge sine ubululia na buuka bo upotevu, ata baamini be mata. ¹² Babe mu ukumu bamendi bitanyilé ukweli lakini balonganilo ndani le kufungo. ¹³ Kobitu bapendwa ba Mukota, ta pashwa kumuninga neema le Mungunga, mosoo Mungunga ge sine ni oba sombolilé tangia kulinga mupate wokovu ndani le utakaso na motema na imani ko ukweli. ¹⁴ Ko kulengena oba bengilé ko mukoonu moongo situ mu bumo mosee utukufu ko Mokota itu Yesu Kristo. ¹⁵ Ni buumo wapendwa, mulikele na buuka na musaké mafundisho musingilé, bo mokoonu na bo baluba. ¹⁶ Na Mokota itu Yesu Kristo ge sine uli Mungunga na Tita otuanyilé na utuningilé ko neema kusiba milele bo matumaini boongo. ¹⁷ Mitema inu ilikele boolu, na buningine mafundisho na misako eongo na mukoonu moongo.