¹ Paulo, Silivano na Timoteo mu numa ye Batosalonika mu Mungunga Tita witu na Mokota Yesu Kristo. ² Neema na amani ibe okubiima mu eli la Mungunga Tita itu na Mokota Yesu Kristo. ³ Tapasa kuba na mukoonu, na banduku nanye neema e Mungunga mubuli sawa, mosoo inge imani ingetia bepea biingi mosoo e kuanya. ⁴ Nabiitu tateka ku batukuza biino munama e Mungunga muingo juhudi na imani inu muinye mateso na magumu emendi bosimile. ⁵ Ni mwesekana bwee ekweli kukosamba mbele e Mungunga ko bepea be kweli mu kikanga ke Mungunga inge motesekea. ⁶ Mosoo inge uamuzi e Mungunga ne mateso beko babateseka. ⁷ Na kubaninga binu mukuteseka mulike mutakuketa kampe ambe Mokota Yesu Kristo okaluke mu mbinguni na ba malaika na buuka bomendi. ⁸ Munkati e mishali e kasa na kuupa bïme bitakusiba Mungunga na bita kuanya inge mukonu moongo Mokota Yesu. ⁹ Biime ne hukumu ne mateso e milele mbele e Mokota na utukufu se kusaka. ¹⁰ Mosoo okakule butu buuma, kutukuza ne batakatifu na biima bamendi ne kuaminia, mosoo inge ushuhuda ita kobinu e birangile kuamini. ¹¹ Nimo talombanga kila butu kuongo mosoo Mungunga itu bukusambie mu ukweli na ku imani na kutimiza inge buuka na bepea biongo na mu nkasi ye imani itu. ¹² Mubumu ilinya e Mokota Yesu, ube na biinu, mubuee binu neema e Mungunga itu na Mokota Yesu Kristo.