¹ Na inge esia banduku mukite kutulombea ko Mokota kua inge maubiri tookete muchungu emendi na kasifu buumo ebesanga kwinu. ² Ku buumo bitubue tuliba buume babi na bitani na imani. ³ Mokota olina musimamo na okita kuba akikishia na ku ba kitia be boongo. ⁴ Na tulina inge upendo kobe ko Mokota bue uku kita na ukite bime be kukubua. ⁵ Na Mokota usege motema ku ianyo e Mungunga na ku uvumilivu e kristo. ⁶ Ni ta babua banduku mu ilina le Mokata Yesu Kristo, muchiche bime banduku be ku ishi mu bepea bitani sawa, na tandi mu bime taba bule. ⁷ Binu sina mukusi bangu buee tukubu ketanga na tokitile ku ishi mu biteno be kweli. ⁸ Na tatalile ata ko bure muchungu obiine, mu nkazi na mu michoko na tobesangilé mu nkazi mu kiini na mujuuba, buee mia mwima okenjele ombe mia. ⁹ Tandi bue tutakisia sheria itu, me tobesangilé tukuba sedja bumo tukubu ketanga ni umo tokete. ¹⁰ Na umo tobesangilé kobe, tobesangilé tukubabua ambe mia mwima otakuanya nkazi na otandi ola. ¹¹ Na tasimwa tulina bima mukati itu be ku ishi mu biime bepea bitani sawa, na ungo utakukita nkazi ni okusikianga bea. ¹² Ni taba bikia biinu na ku ba bua mu ilina le Mukota Yesu Kristo, tule inge mukati ebo na ku kita inge kazi mbuambua. ¹³ Mu biinu, banduku, kilo kuisia mukukita biongo. ¹⁴ Na ambe mia mwima otakuanya mu biime tabibua mu inge baluba umuandikie pembeni na kilo kulengena itu nani na upate ngene. ¹⁵ Na kilo kumusea bue utuku mwanya, na umubue bwambe nduku. ¹⁶ Ungo Mukota wa amani ubaninge amani ge sine mu wakati emendi Mokota ube na biinu. ¹⁷ Na baninga samba ano Paulo, na maboko eni, ni sinyatire eni inge mu baluba emendi eni inge, mu baluba emendi eni inge ni umo nabandikia. ¹⁸ Ni umo amani e Mokota Yesu Kristo ibe na biinu bamendi.