¹ kilo kukita otete na na mukwakale.Lakini umuninge mafundisho buli tita. Ninga basikila mafundisho buli nduku. ² Bamukali bakwale buli bamukali basongo,na bime bamukali ba mbombo na utakaso lemendi. ³ Heshimia nyamwukwilo ubale otandi na obume. ⁴ Ambe nyamukwilo otandi na baana, na bambe ba mbombo opasho kukita misako eongo mukikanga mbele emiso le batita seni na mbele se Mukunga. ⁵ Omukali otandi na obuume na olika opasho kubika matumaini seni mo Mungunga,kuvumilia mukindi n mujoba ndani le malombi. ⁶ Lakini omukali, ulina tamaa ukaku ata ulimuzima. ⁷ babue bime bitono babe bia bitani namakosa. ⁸ Ambe kuli mia utani oketa bombe katikati le ba nduku na asa mukikanga ge uli na motema mubi buli mupakani. ⁹ Nya mukuilo mwima utani tuu oandikwa munkazi ambe,obesangilé na miaka konchi na makumi na motoba,omukali na ambe obesangilé na obume mwima. ¹⁰ Ata buumo uli na misako eongo,mosoo okungilé baana,na obesangilé okuanya bea kusua matini lé batakatifu,ku kunga bea bili na motema osenga batani na buuka na kukita misako eongo. ¹¹ lakini kilo kulisidja banya mukwilo ba mbombo,mosoo ambe utani ituu ndani le kristo oanya kosonga. ¹² Nani buumo osiba buee ovndja ndoba seni se kulinga. ¹³ Ni buumo osia lino kutamua numa ko numa nakolengena bitono bitani isawa. ¹⁴ ukwaanya basikila ba songo beba na baana na koongoza numa sebo kilo kolekea ata mia mwima ku mua bitono bitani isawa ¹⁵ mosoo kuli bambe ba jilé ko isetani, ¹⁶ ambe kuli bea ba Mungunga,obuume na omukali ba sa na nyamukuilo ba baninge na kanisa isibe kuninga bale ba nya mukuilo. ¹⁷ Bakuu bekutamua na bokota bili buli bia bikukita ngazi le kuninga mahubiri na mokounu le Mungunga. ¹⁸ Mosoo mokoonu le Mungunga le bua buee ambe moo uku tila matini eni mukulinga kula kilo kumuchena,ni bumo mia omendi okutuka opasho ku ba na ma tabishi seni. ¹⁹ kilo kuba na mashitaka kuli bakuu,ambe etani na mbepe le bia be kulija ²⁰ bea bekukita ndjambi ubatunue na bambe ba sime booba. ²¹ Nalapa mbele le Mungunga,na mbele le Yesu kristo na ba malaika kobeta betono bemendi bila mabekanyo, ²² kilo kubeka maboko sebe ubio kuli bia,na kilo kuba na bia ba ndjambi,ongo sine ube mutakatifu, ²³ kilo kunu ose kila butu,lakini no to mabu tombombo,mosoo kekundu kebu kite see malali. ²⁴ Ndjambi lebambe babuume esaani atambele le ku ukumu lakini kobambe esekane mbele ²⁵ Ni buumo,misako eongo ekosekana na embe ili ndani ekasekane tuu ata umo ebisama.