¹ Biime bafungo bili mubutumwa be bete ba kuu babo,bastali heshima mu ilina le Mungunga na mafundisho bitani be boongo. ² Na biïme bili na baamini bili buli bakuu kilo kubabenga bili banduku lakini, kubatumikia,mosoo bili baamini, na bapendwa na bekubakitianga boomo. ³ Fundisha bibino bepea na kubatuma ambe mia ufundisha mafundisho itani isawa na otani oïkokomenya mumukooni mosoo, ó Mukota itu Yesu kristo na mafundisho eongo; ⁴ ulika na kibuli,nta kusiba bombe,na uli losamo lo kubudja kutani isawa,na otete na kuanya otete, na kuama bubi. ⁵ Kutata kubi ko babuume bitakosilé na bita sangilé na ukweli ko baami kukita boongo ili mwandjo le faida. ⁶ Lakini maisha le butakatifu na kosamikia na kolonganino ili na faida nkili. ⁷ Mosoo,tutalulé na bombe muchungu ni bumo kuli ukweli, tutalulé na bombe. ⁸ Ambe tambesangilé na kula, na ndulu tolonganino. ⁹ Lakini bea be kwanyanga butajiri bekukianga mumajaribu na mu toteo, na ba buume biini be kwanyanga kukita maabudu le bikeko. ¹⁰ kwanya male ili musingi le kotata,bambe bijda bole na kuamini,na nimo bilekea mu kubililo, ¹¹ kobe lino ongo mia o Mumgunga,chaka bibino linga ukweli,imani,kukita boongo, uvumilivu. ¹² Lwana bita boongo le imani,tunua buzima bo milele,bumo ubukil mubo,ukutilé boongo mbele le bashuuda. ¹³ Na kusingia mbele le Mungunga ge ni ukuningana buzima bo mendi na mbele le Yesu kristo okitilé boongo mbele le Pontio Pilato,kukunga amri. ¹⁴ na kulika bila bubi,kusungulo mpaka bumo Mokota Yesu kristo olulé. ¹⁵ bi kaketo muwakati leni ge mutakifu,mufalume o bafalume,Mokota obakota. ¹⁶ Ge sine opoka na mwangaza ilikilé etakosekana,le mia ota seba na etakose mu ge kuli heshima,buuka milele, Amen. ¹⁷ Bo bea bili na maali mu ino mata biliké bitani na kibuli na kilo kibika tumaini sebo mu malé,lakini ba biké bemendi mu Mungunga,mosoo ge ni ukuningana biingi,talonganino. ¹⁸ Babuee bikité boongo, na ba be batadjiri mubokoketa boongo, kuningana na ndonga ndonga. ¹⁹ Nakutuma mubutu mbele kepea kilikilé mu musingi o suma,na kusaka uzima neongo. ²⁰ Ongo Timoteo, saka boongo, tani kulika ko kolengena ku bua bua. ²¹ Na otete le mafikiri mubiinu, e muchiche mu imani, neema ibe mu biinu, Amen.