Kebee 4

1 Roho mutakatifu okukanya ko bea ba mendi bu,wakati okutungia,bea bakuanja kusia imani lebo,na kusingia ku asili sebo se kalé se shetani. 2 Nabukolofi ko bamunganga ba mata bekuja na mabekanyo sebo se mata, 3 nakuandika kilo kusonga nakusia kula kuumbilé na Mungunga likusako na sifa na be kumuanya na be kuseba ukweli. 4 Mosoo bemendi be umbilwé na Mungunga bili byongo na kilo kutaa,lakini tulisake too na sifa, 5 mosoo be mendi be takasolwé na mo mokonu le Mungunga na ko malombi. 6 Na mia ukukanya bime kubanduku bamendi,uli mutumishi moongo o Yesu kristo, nakuba nane mu imani na kufundisha bumo osimilé. 7 Tusie asili le mendi le shetani na le giza. 8 Twanje koketa mazoezi niongo,moso mazoezi emubi lili na faida mu bepea bima,lakini mazoezi niongo lili na faida mu bemendi na kuba na aadi le maisha le milele likaje 9 Inge ni mokonu le kweli,na niongo le kufundisha bea. 10 Tukete nkaji,na tukete bita,mosoo tobeka tumaini litu ko Mungunga uli muzima,na Mukota obabume ba mendi asa ba aminifu. 11 Tushudiyé bime bepeya,na tubifundishé. 12 Na kilo kuba mia oko kobenga, lakini ube mufano ku baminifu, ko mokonu, ko misako,na ko koketa bongo mu imani eongo. 13 Na bumo nkalo usebe kusoma, na kufundisha. 14 Na kilo ko benga uduma sebe,le kuningilé batumishi kuchulia kuku bekeya maboko mbele se bea. 15 Keta bime, na ukite bongo mu bea ba mendi. 16 Uibete ongo sine na, mafundisho,mosoo,ubukita ni uba na wokovu na bambe be kubikidjé