¹ Mosoo, tutakochilé kuvumilia, nita ba buee tukusia tu bitu siné ku Atenio. ² Na tukisinga ungo Timoteo nduku itu ni okobesanga Mutumishi ó Mungunga mu inge bitono e Kristo, mu kusimanya mu inge imani. ³ mu buee kila mia utafazaiké na inge misukusuku mu inge wakati, mosoo mukusiba binu bamendi tobikilwé mu inge bitono. ⁴ Na inge wakati tobesangilé mbele ebe tokitilé ku ba bua mbelé wakati to kabe na misukusuku mu biime be kidja na mukubi siba. ⁵ Nimo, mu inge uvumilivu eni, nkudja kuibudja inge imani ebe mu booba na biime ba kachochea bita tujaribie mu bemeendi takitilé bisekané buabua. ⁶ Na Timoteo, okidjilé kôbe, otuningilé mokoonu mongo buee imani ebé na kwanya koobe na obulé osilé na bitondo byongo ku biitu, na tukuanya ku musea, na ge utusee. ⁷ Mosoo, nduku, mu inge taabu na misukusuku emendi tachuliye mubadjé, tachichilé inge mafikili mu inge bitondo saabu e imani ebe. ⁸ Mosoo, tekya ku ishi mu inge imani ebe ko Mokota. ⁹ Mashukuru sina toninge Mungunga, mu inge furaha tasedja koongo na mbelé e Mungunga. ¹⁰ Mukini na mudjubu, tokomulomba ma nguvu emendi buee tukusé na tukité kuongeza inge luko mu inge imani. ¹¹ Mosoo, Mungunga gesine na ni Tita itu na Mokota Yesu otuongezé inge ndjea koobe. ¹² Na Mokota ongeze mukati itu na ku bamendi kuanya kwitu na ko biinu. ¹³ Na upate kusimenya mitima itu bila laumu mbelé utakatifu Mungunga Tita itu mu wakati e kulo ko Mokota Yesu na ba malaika bamendi.