¹ Mukusi ba buee bino sinee banduku baani buee kulo kwitu kuno kwinu etabi sanyilé na faida. ² Kuno ku teseka ko mendi ko Filipe etu ninyilé tumaini ko Mungunga itu kuba lulia na mukoonu e Mungunga katikati e bita miini. ³ Mosoo, inge maubiri edjilé na mukoonu mbi na kolengena mbi. ⁴ Mosoo, kutukana na buumo Mungunga otubulé opasho ku ningana inge mukoonu ni tobua bue, tani kitondo ya ku ba bua inge tano nganonga na Mungunga ungo ntamwanga mutima itu. ⁵ Mosoo, tutamaa tunwa inge kolengena e ku babua maata, bumo mukusiba bo na Mungunga osibebe. ⁶ Totalingilé inge utukufu ekutuka ku bea me tolingilé inge itu kubufungo bo Kristu. ⁷ Tosingile tookea ndongandonga ko Yesu, mu kubua bue inakusaidia baana bage. ⁸ Na tobesangilé to kuba kiidjilia mokoonu e Mungunga ni bobe sangilé bea be faida. ⁹ Banduku baani, mukusubukidjanga inge nkazi itu na mateso itu, muunimba, kundi atamwea mwima otuchakié ku magumu itu tokukidja mukonu ko Mungunga. ¹⁰ Mubesangilé mba na Mungunga gesinye obesangilé mba. ¹¹ Mukusi ba bue tobesangilé mu katïnu bwa mbe biima nibabutilé biime bana. ¹² Tabaningilé mashauri, na ku bobwa bue mutamwanye mu ndjia e Mungunga. ¹³ Nimo ntamu suchia inge neema e Mungunga kila butu kwa Mungunga mosoo Mungunga ni okuni ngana nga bemendi ambe odja koni ku biinu mulina imani. ¹⁴ Mosoo, binu ba nduku bokea kobesanga bea be kuketa bepea bembe ma kanisa e Mungunga mukatia Yesu Kristo mu Yudam mosoo na binu mukuja mu inge ndjia e Mayaudi. ¹⁵ Biima ba Yaudi ni badjile Mukota Yesu na ba Mitume ni beekia ba adui ba bea bamendi. ¹⁶ Na be ta kwanya to ndjole na bima bita kuisanga ku mafundisho buo na bo bige ko Mungunga. ¹⁷ Ko bitu sine, banduku, nabesangilé kole na binu ku mubii, tuli aku buima na mutima, tosea inge wakati eku mosea. ¹⁸ Na nyanganilo kungo kwinu, ano Paulo, ila ungo ishetani oiketa kuzubilia. ¹⁹ Na inge tumaini itu, na inge furaha itu, na itadji emendi na inge utukufu ko Mukota Yesu Kristo. ²⁰ Ni inge utukufu na furaha semendi.