¹ O kutingia musani, mosoo otufundishilé gisi le kuishi, na le kufulaisha Mungunga, nimo mokete nata ba kongo mulikae na mutambuanzé mu ilina le Mokota itu Yesu Kristo ni ebe maendeleo ko maendeleo. ² Mokoseba upendo sina tobaningilé kutuka ko Mokota itu Yesu Kristo. ³ Ikwanya Mungunga kuitakasa inu mubushalati. ⁴ Kila ngweya mu binu okongé mu bi oni mu utakaso na ukweli. ⁵ Bila kuita mukuanya chungu umo bakoketanga bapagani ba takoseba Mungunga. ⁶ Ngwea utasibe musani na ku isingicha bukolofi mu bepea. Mosoo, Mokota ochichilé kuilipishia kisasi mu bime bemendi bumo nabakanyilé na ntanyilé. ⁷ Mosoo, Mungunga otatubekilé muchafuko lakini mutakaso. ⁸ Ambe mia otia upendo otatée mia otée ni Mungunga otuningilé roho mutakatifu oni. ⁹ Mu upendo lekwe mutandi itu na lazima ba bandikiye mosoo mu ichichilé mo Mungunga mu upendo otuningilé. ¹⁰ Nani mukuiketa mu kila nduku mui Makedonia emendi. Lakini nabakonga banduku bani musiye kila butu mu inge upendo. ¹¹ Nikusia mubi itu na bulumbu kokutumika na koboko inu bumo tabakongilé. ¹² Muku bua bue twesangé mu kweli kobo na kilo kuba itu nalazima ebo. ¹³ Musani tutakwanya musiye mu uvuguvugu mubima bekolala na bete singiche itu mu bambe betani na tumaini. ¹⁴ Mosoo tulina imani Yesu Kristo okwa na ofufukilé, tube itu na imani bu Mungunga okutululia na Yesu Kristo na bambe ba kulé. ¹⁵ Musee bime tu ko bakonga mu kolengena ko Mokota bu bitu bima tukeke mu chungo, tusiye mu mapenzi le Mokota na kilo kuchulia ba kulé. ¹⁶ Mosoo Mokota gesine olina mokonu okuanya, ko kotata na ijuki le Mongunga olulé ku iju na ba ku kalika Kristo baka fufukilé bakwanja. ¹⁷ Na kisha, bitu tuli bazima tusiyé na kutuchicha nabo mu mbingu mu ku kumana na Mokota kuiju na kusia kila butu na Mokota. ¹⁸ Tusa kiane bitu ku bitu.