Kebee 4

1 Mupendwa oni, kilo kuongeza imani ku motema na kusedja motema na kusiba bili ko Mungunga, mosoo batumishi biingi ba lule muchungu. 2 Nakulisidja mu buee Mokota Mungunga, Mokota Yesu Kristo olule mu mubii na ko Mungunga. 3 Na Mokota itakusiba buee Yesu tani Mungunga na bitani bea ba Mungunga nimo tasimilé na beekia muchungu. 4 Biino bana ba mbombo, muli ba mungunga na to bachinilém mosoo ungo ulina biinu ni mukuu kuchwa ungo oli muchungu. 5 Na bili ba chungu, nimoo bakulengena mu chungu na chungu eba simwe. 6 Na biitu tuli ba Mungunga na ongo okusiba Mungunga otosimwe, na ongo otani ó Mungunga, otani otusimwe, ni umo tosibe Motema e kweli na motema ekokita bubi. 7 Mupendwa oni, tu anyane bitu ku bitu, mosoo ianyo ni Mungunga na ungo oanye o butilé kó Mungunga na okusiba Mungunga. 8 Na ungo otakuanya, otakusiba Mungunga, mosoo Mungunga ni ianyo. 9 Na ianyo ni Mungunga okitilé kuisedja ku biitu mu buee Mungunga osingilé maana oni mwima mu chungu tuonyé. 10 Na inge kuonya itani buee kuonya Mungunga na inge kuonya otusingia maana kulo kutukwila mu ndjambi itu. 11 Mupendwa oni, ambe Mungunga otu anyilé na biitu tuanyané biitu ku biitu. 12 Kutandi mia ungo okea osea Mungunga, ambeta anyana biitu ku biitu, Mungunga nti oli na biitu na kuanya koni kuli ku kamilifu. 13 Na tukusiba buee tulinaani na ge olina biitu, na inge otuningilé ku motema. 14 Na biitu tobesangilé to ku sea na buee Tita osingilé maana ko tukwilia mu chungu. 15 Ongo olisidja Yesu Mwana ó Mungunga. 16 Na biitu tobesangilé tokuanya Mungunga, na toku lalamika Mungunga ni eanyo na ungo olika mu eanyo olina Munganga na Mungunga nti olinaani. 17 Buli tuli, na buumo tulibo mu chungu, nimo eanyo ili mukamilifu ku biitu na tube na uhaki mu biitu na mu masambo. 18 Booba etakubesanga mu eanyo, na eanyo e bukamilifu iku chichanga booba. Monsoo booba ni mateso ni umo mia o booba otakubisanga mukamilifu ku eanyo. 19 Ku biitu tamwanya ku buee otuanyilé kumbele. 20 Ambe mia obua nanya Mungunga na otakuanya nduku ebe uli mia omata, mosoo ungo otakuanya nduku ebe ungo okumusea buni unanya Mungunga ungo otukumusea. 21 Natulina buumo tukutamwa bo, mubue ungo okuanyanga Mungungu, anya nduku ebee.