¹ Ongo ulisijabwe Yesu Kristo ole Mokota ebu tu la Mungunga e ungo oanga ungo omubutilé ona anga ombe mea. ² Tuko ko sanga bue ambe tanga bana ba Mungunga ambe tanga Mungunga. ³ Mosoo toko anyanga Mungunga, na toko kitanga bemendi okutuba anga. Mosoo kuwanya ko Mungunga koketanga bime emendi okoko bwanga na kokitome okokobwanga tani bepea bibi. ⁴ Mosoo ungo obutilé na Mungunga okata mwanga mu twongo na kotamwa mutshongo siliku motema obe. ⁵ Anyiongo okota mwanga mutshongo esipokuwa ongo siba bue maana Mungunga. ⁶ Nge ongo Yesu Kristo ungo lule na osi na misi ntandi no singe sine olule na osi na misi, mosoo motema oni nyokoketanga emendi ungo motema nyiokolengenanga ukweli. ⁷ Kulibebea bi satu bikukitanga ushuuda. ⁸ Motema ose na misi, bime bepea bi satu bekwisanga akobeiya. ⁹ Ampe talisidja ushuuda obeya na ushuuda e Mungunga eli ilikili, mosoo ushuuda e Mungunga ili ushuuda oketianga maana. ¹⁰ Ungo ulisijabwe ngwana ó Mungunga na ushuuda seni, ungo takulisidja Mungunga na owa okolengena mata na otako lisidja ushuuda ke Mungunga olengenine ko maana. ¹¹ Seainge ushuuda, motokosa bue e Mungunga otokoninyé inge uzima e milele na inge uzima sele ko ngaana oni. ¹² Ungo na Mwana ó Mungunga, olina maisha, ungo tanina Mwana ó Mungunga tanina maisha. ¹³ Nabandikiya inge bepea, mukuine bue ulina maisha e milele, bino mukulisindjanga ulina e Mwana e Mungunga. ¹⁴ Nitalikatu tukutina, ambe ntakonga kepeya kima kuli ku mutima oni onisinie. ¹⁵ Na ampe talisinja buee okotusima, nange epeya tomokungilé otupa biime emendi tamokongilé. ¹⁶ Ampe osea nduku ebe oketa ndjambi ekumuishinga kokobua ndoketa malombi e Mungunga ntomuninga maisha, uningilé kobea bakitilé ndjambi ekwalisinja kokobua, na kunye ndjambi ekulisinja ngmwea kokobua ntani mu inge ndjambi, malombi ulembe mubaje. ¹⁷ Buubi bomendi ni ndjambi na kolinyi ndjambi etakundjanga mia mukabua. ¹⁸ Ntokoseba na buee mea emendi obetilé na Mungunga otakukitanga ndjambi na ungo ubutilé na Mungunga okuitshu nganga gesine, na ebobi na otakosanga ku buobi. ¹⁹ Tokosebanga toliba Mungunga muitshongo emendi elimu buuka ebobi. ²⁰ Tokusebanga bue Mwana ó Mungunga na otuningilé inge mafikiri ekosiba ukweli, na tolimunye ukweli e Mokota Yesu kristo. ²¹ Na ongo ngea kweli Mungunga na kuishi milele, maana mombombo mulikalinye anye asili inu.