¹ Sea upendo sina Tita otu sejilé, tube baana ba Munkunga, talisidja, ambe chungu ita kutusiba mosoo beta kusiba. ² Basitu, tekee baana ba Munkunga, tukusiba bumo butu tuka bee bwima na ge, mosoo tuka sekana bumo olikee. ³ Kila mia ulina tumaini nani opashwa kuba mu utakaso bumo oli. ⁴ Kila ndjambi ili makosa kusheria. ⁵ Namukusiba, Yesu o fukire mu kuchicha ndjambi, na ndani eni kutani ndjambi. ⁶ Kila mia olikele ndani eni otani oketa ndjambi na kila mia okita ndjambi otasele na utaku musiba. ⁷ Mwana mombombo, kilo mia kukupoteza, ubale uli na ukweli uli buumo uli Kristo. ⁸ ulina ukweli, gesine uli ukweli lakini okita ndjambi uli shetani, mosoo shetani okosilé tangu mbele. Mwana ó Munkunga olulé ko kuharibisha misako le shetani. ⁹ Mia omendi obutilé na Munkunga otani oketa ndjambi, mosoo mbeku le Munkunga e ndani leni na utani oketa ndjambi; mosoo, bili baana le Munkunga. ¹⁰ Niimbo unasiba mwana ó Munkunga na baana be shetani utani okita ukweli, na utani oba mwana ó Munkunga, na mia otanyilé nduku seni. ¹¹ Nimo semendi na babuangilé na biime musimilé ku djo mbele e wakati, tapashwa kuanyana bitu bamendi. ¹² Na kilo kubikia Kaïni mubiitu, mosoo uli na menge na odjangilé nduku seni kitono ke ningi odjililé mosoo obesangilé na mbako bi kuchua motooni obesangilé mia ukweli. ¹³ kilo kuba na boba, ambe chungu ke kohana. ¹⁴ Nkusiba buee tatuka mukupka na ta chua kuuzima, mosoo tukuanya banduku. Lakini uta anyilé olika mukupka. ¹⁵ Utanyilé nduku seni oli mudji, mukusiba mudji omendi otani na maisha le milele kati leni. ¹⁶ Taseani upendo ko Kristo oningilé buzima boni kuitu na biitu ta pashwa ku ninga buzima bwitu ko banduku situ. ¹⁷ Ambe mia ulina bepea biingi mu dunia, na ambe asea nduku sebe uli mushida na ulina nyume koli ge buni upendo le Munkunga ilikelé ndani eni. ¹⁸ Mwana mombombo kilo kwanya kuchua kolengena kokano na molengeno lakini misako ya ukweli. ¹⁹ Nimo, tusiba ambe tuli bea ba ukweli na tubika motema itu mbele ine. ²⁰ Ambe, mitema itu fungo Munkunga uli mukubwa kuchua mitema itu; na okesebe misako emendi mbele eni. ²¹ Bapendwa, ambe mitema itu itani etukumu, mosoo tulina matumaini mbele le Munkunga. ²² Ambe tunasenga, to sea mosoo tulina armi se Munkunga na tuli na tumaini mbele eni. ²³ Ni buumo, armi seni ni talisidja ko lina le Mwana oni Yesu Kristo, na tuanyana mwima ko mwima; kuchua armi utuningilé. ²⁴ Ubalé una beka armi ulika ndani le Munkunga na Munkunga ndani eni, na takusiba uli ndani etu kuchua motema utuningilé.