¹ Bana be mbombo baani, na buandikié inge maluba kilo kukita ndjambi itu. Mosoo, ambe omakita ndjambi ntita kululia na mia we sheria mbele ya Tita, Yesu Kristu mia ukweli. ² Nimoo obesangilé okule mu kitono ke ndjambi itu na ebea be mu chungu. ³ Ambe tasia mu biime bwe kutubuanga bubee ntitulinani akabima ukweli. ⁴ Ungo abua buee okomusiba na otakuanya kudja muinge ndjia seni nti dina na mäta ni otandi mia we kweli. ⁵ Ungo akabika inge kolengena kwanya ko Munkunga ni mia w'osawa, nimo tulinani. ⁶ Ungo akubua buee olinani toje na ge ndja nima buu Mokota Yesu Kristo. ⁷ Banduku, na ba bua buee, inge balua na bandikianga mukinge kitono ke mwanzo ne kitono ke kalé kobua kolengena kiinye mosimilé mo kalé. ⁸ Mosoo, Inge mipango emendi mukue taga na kuba andikianga ili bitono be kweli kwano na ku biinu, mosoo, be kuluananga mu kristu na ambe butu bocha ti mooke kuse analion. ⁹ Ungo ko bua buee kucha ko butu nti nduku obe na otakoseanga mu kini. ¹⁰ Ungo okuanya nduku obe nte okidje ko kucha ko butu ni mia ombe. ¹¹ Ungo otakuanya ko nduku obe to oli mia we mukini, nto kuisanga mukini, mosoo mukini bita koseanga bongo. ¹² Nabandikia bana be mbombo oni, mosoo ulimwia we ndjambi iko samehewa mia rina rea. ¹³ Nakuandikia Tita, mosoo ambe okosiba ungo mia wa kwanza, nakuandikia nga basikia mosoo moni kosibanga mabua be Munkunga huo mukolofi na benu bana be mbombo mosoo ongo nde kosibanga Tita. ¹⁴ Nakuandikia Tita mosoo ongo okitilé biime be mwanzo, nakuandikilé basikio mosoo okobesaga na buka bue bitono be Munkunga ne muluanilé huyo mukolofi. ¹⁵ Kilo kuanya chungu na bepea be chungu mosoo, huo akuanya chungu, huo talina kuonya ko Munkunga. ¹⁶ Mosoo, bima bili muchunga, tamaa e mubi, tamaa e miso ne kiburi cha uzima bitakutukia nga mu Tita na elo muchunga. ¹⁷ Nachunga kichwa na bepea, mosoo, ku ongo okitanga bi bepea na utashi be Munkunga okoianga milele. ¹⁸ Bana be mbombo nisaa e mwisho ino ni kubwa buaee ambe mosingwe mu antikilisitu mosoo ba antikilisito banji. ¹⁹ Bekeya batuka mungo ubungu,otabesangile nabepea na bino bepea bisangile beebe. ²⁰ Bino bo patile o mafuta,o buuka ,o batakatifu mulina mabekaro. ²¹ Nabuandikie buee binu mukuribanga bepea kweli ,kasi mokite na kuchicha inge mōta. ²² Anye omwia we māta,ungo uitakoisanga na Yesu Kristu akobima,ungo antikilisito mosoo ukuana Tita na mwana. ²³ Ambe osea ubuume otakuanya mwana obuume Tita ni mwana obe, mosoo kila mwana ntali na Tita wa mubutile na kukili mwana ne Tita. ²⁴ Ni kinye osimwile ko mwanjo ambe biime be osimile.Biime bubisimire mu mwanzo mulike ne mwana ne Tita kumuna. ²⁵ Na kubuabuaee , bime onkita ano ookitamwea ombe(maisha e milele). ²⁶ Nakuandikia inge balua mosoo utasekanile muinge bita ²⁷ Ongo okitile mafuta na inge bepea na otakuanye kokofundisa oange to Mokota kuungo mbele ebe. ²⁸ Na kubuabuaee bana be mbombo oni,kilo kotukanaa, ombe Mokota ōchwa ntokubalikia mubiime beebe. ²⁹ Ambe ulina buuka bokokita inge nkosi,nto okita mbuambua mu kweli na obutile nadje.