¹ Co baya, bani na maseye ka nyongo a ongana anu na Mokota.Nna kema k'eme aoba nenesikiigi bophei a mosa ,nnde aonoamba anj. ² Oambani na baphangigi ba ajede Nga,bande bamboa .Baotetemisa gusa a ganja a mbea. ³ Besu,be ndu bagu-ganja a doni a ka mema.Nga,beombhedaneaga Mokonga ka bukpekpe a mema ake.Beodokomisa mosa a bakpa ka nyongo a ongana asu na Kilisito.Nna tanda ka nyongo esomba ndea bakpa. ⁴ Nanga bii ne na bukpekpe edokomisa ka nyongo esomba ndoo.Aoba nkpa nauubha te,a na bukpekpe ka nyongo esomba neke,eme,nenyenyi. ⁵ Nga,k'esa a ko mbusa a bokoteana ani,degu ganja a ba Isilaele.Eya, nende mu Isilaele ka bokoteana,ka ketoto a Benjamina,nende photo moEbhulania doni.Kabe ka amba eophi,nende mophai saio. ⁶ Kabe ka moingi,netambisigi batoa kanisa.Kabe k'otao eophi ndea mosa, ke na kiseki. ⁷ Nanga bii kema ndo bhubhui datu etoi ka mema ani, a yeto k'eme kema a jai-jai.kanyongo a Kilisito. ⁸ Eya,keme bhubhui a to jai -jai.Bii nemubhi Yeso Kilisito,Mokota nemo,nndo ande etoi a doni,a ka mema.Ka nyongo ake,nedeketi kema nemo bhubhui, aoba bea tu,ka geate,ne mone Kilisito. ⁹ Nebe kimoti na ye doni.Nga,keokaba ba a ntoa-bonjanja mosa a Mokonga,ka nyongo a amba eophi ndea ba Yudha.A ndiu to ka nyongo a beekea a Kilisito.Eya,Mokonga amobhisi gea,nebe ntoa-bonjanja mosa ake,bii nebi aphe abeekea a Kilisito. ¹⁰ Kema moti,nnde nekondi to,ande ubha a Kilisito,na bukpekpe a jujuka ake,nebe kukua a tambaga ake,nekue photo bea ye. ¹¹ Mpo, neosebea jujuka sosobe a basi. ¹² Nna gea te, ne totokisi nndo,bhui neobha na bonjanja bhui.Ne ndiu bea ntoa-njoko a ga a mbango bii aotetemisa dhunga a bokambia.Nga,Kilisito amophani. ¹³ Baya keo gea,netotokisi bokambia ndoo. Ne to ogea kema moti bea ntoa, gaa mbango ndoo: Nedeketi kema ndea mbusa,neosuia kaba nnde a mosa. ¹⁴ Neoga mbango dhe!nejue ka sangiaga a aphe a njoko ndoo.Mpo, bokambia ndo,a na kobha,aomokena bindo Mokonga amophanei,ka nyongo nde, neongani ye na Kilisito Yeso. ¹⁵ Ka bondo,besu ibundo bemoti ka mema,bege to bo .Kabe ka benu ubhupha a na nganga,Mokonga aphangia nde bhase. ¹⁶ Nanga aba ,bo,akeni,betutuise tamba k'aphe nde be kau. ¹⁷ Co,baya,kenge ani tambea ani,ninde a bakpa nnde baogea bia eme.Nga,booni ophanoi nesu. ¹⁸ Negake ogama bii, bakpa ba asi baotambea bia ba bhibhia a Kilisito,mmbe daku ka mee a mkpato nde nongodi bo mongo asi.Co, nesiiki goto. ¹⁹ Sungia,abo ande bunga abo ande bungaga. Nga,sopho ande mokota nebo na kabha.Boombia nebo ande soni.Babhisi to mema bo kema a ka mokonda. ²⁰ Besu gake,bende baniki ayi ndia Mokonga,ande ana kobha.Be photo,mmbe atokande na kobha. ²¹ Ye,aketiande nyama asu a aodo,aokengiana ninde a boombia neke.Atotokisande nndo ka bokpekpe neke,ka nyongo nde,abisi kema bhuibhui kusi ake.