¹ Co, bii bo kimoto na Kilisito, nndo anophi ntende.Ekondi neke ka benu,anoophi bojeje.Bo kimoti na Mema a Mokonga .Boyoki bonjanja na ngomi ndea Mokonga. ² Bii a bo,omotumisani pe na maseye.Okanani,kondanani na mema mo,bani na moango moti ka komunamema. ³ Bokogee mono kema na mema eteba,bokokabe mono boombia a jai -jai.Bani ndiu na mema edhidhisa.Kanisiani photo gea,bakpa bobhu bande baphomi anu. ⁴ Nkpa kakabe mono edokomisa sasa ake.Akabe ndiu dokomisa a bakpa buango. ⁵ Bani photo na mophe bindo Kilisito Yeso datu ne. ⁶ Datu to n'obhigo bhui nde Mokonga a ne ,dakatu gake na nsengo ekengeanisa na Mokonga. ⁷ A ndiu ophuia kau, aobhisana bea nkobe,aokengeana na bakpa,aoba bea bo. ⁸ A photo odhidhisa sasa ake, aomoka Mokonga, na ka bii age okua, kukua a mee a mkpato. ⁹ Ka bondo,Mokonga aontaisa phee,aonsua ina nde anyenyi ina bhubhui ka boombia, ¹⁰ Ka gea te, bakpa bobhu bagbuke muanku, ka nyongo ina ake,nanga baba na kobha,nanga baba ka mokonda,nanga baba ka nkanda. ¹¹ Mpo,nkpa bhuake aoyonga bhase gea, Yeso Kilisito ande Mokota. Ka bondo, abhe Mokonga abande na boombia bhui. ¹² Baya,ka bondo,bii dobomooki mosa,nene sosobe anu, omookani photo phee bii ne danga.Nga,bii Mokonga anoamisi ka mema,totokisani boamia ndo na mema a banga phee. ¹³ Ande gea te, Mokonga a ambe aobhedanaga ka mema anu,naonopha mophe na bukpekpe a totokisa a moango neke. ¹⁴ Ka bondo,totokisani kema bhubhui,kanga a ngongonaga na sani. ¹⁵ Mpo, booba kanga a bojede na kiseki ,bo photo oba bana Mokonga,kanga a nkiki ka mema,nanga bii bo sosobe a badhamigi,na bato-ajede abokoti ndee.Ka bondo,mbeno nde bootomiaga bakpa nyongo anja,booba bea oanga a nsa naobhenya ka keiphe. ¹⁶ Boogea bo,neoba na maseye ka nyongo anu k'esa a ja a Kilisito .Ka bondo unge,neubhande gea,ekuma na tambaga nemo bhui ka nyongo anu,dakatu jai. ¹⁷ Kabe nabamomoe, nebande na maseye.Nga,madia ani abande bea makana a phea ndea ba Yudha,nnde neduuki gu a phea nenu.Phea ndo,ande ekuma nde bobhedi ka nyongo nde, bombeeki Kilisito.Mpo,beoba na maseye phee kimoti na benu. ¹⁸ Bo photo oba na maseye phee kimoti n'eme. ¹⁹ Aoba Mokota Yeso nakondi,nesebei tekisia anu Timoteo keke ndee.Ka ja ake, amongodeande nyongo anu,aomophongisa,mema. ²⁰ Nga,ke na nkpa bea ye,mmbe a na mophe be'eme,mmbe a photo onokanisia doni. ²¹ Bakpa buangbo bobhu ba to oamba nyongo nebo sasa abo, bana gake oamba nyongo ndea Yeso Kilisito. ²² Timoteo gake,bo ye uubha tambea ake, bii amoengi bea miki na abhake.Nga,babhedanigi kimoti,ekuma a nyongo anja ndea Kilisito. ²³ Co, ne ye odigimisa nyongo nemo,neonteka. ²⁴ Neubhi gea,aoba Mokota nakondi juanisa ani ka mekako,negande photo keke nde k]aphe a onana na benu. ²⁵ Co, neubhi gea,ande anja jisia anu nteki nenu epaphoodhito,nande dhani k'ekuma,na k'etu.Ye a mbe amotingisi nkoko. ²⁶ Nekondi jisa ake ,ka nyongo nde,akondi phee onana na benu bobhu.Nga,datu osamba.Nanga bii aami,aubhi gea te,booki nyongo esambo neke.Ka bondo,aoinaga phee. ²⁷ Eya,datu to osudukanaga.Mokonga a gake onkuia ngomi,nna tondo ye,eme photo bo. Na aami yeto. Ka bondo,oio angbo kamobhedeku ye. ²⁸ Co,neokamisaga teka ake motenu,ka gea bobe na maseye ka ona ake goto.Mpo,mema ani aophonga. ²⁹ Co,nseseani na maseye phee k;ina a Mokota.Odokomisani bakpa nde ba bea ye, ³⁰ Ka nyongo nde,dasoosudukana ka nyongo a bhedaneaga a Kilisito .A gake ooka ka kukua bii amoengi k;oma nenu.