¹ Polo na Timoteo,babedanigi ndea YesoKilisito,ka bunde bobhu bambeeki ka philipi,ka babondigi na na babedanigi . ² Kongoa abe na benu na bonjanja ndea Mokonga na enake Yeso Kilisito . ³ Nesikisi Mokonga bosegi ka bonjanja bhubhui ne tondu moteanu. ⁴ keosaga memakanu ⁵ Nephangingisi binjanja nemo kabenu ka bondo bobedi nyongo a Mokonga tango esa nde danokpangi na keke. ⁶ Neuubha doni gea,bii Mokonga akpangi ekuma anja ndo ka mema anu,atutuisande,aogobea k'esa nde Yeso Kilisito ajaeka. ⁷ Nga,atu anja nekanisie bo ka nyongo anu bobhu.Nga, ne nokondi phee,bii Mokonga asogabei besu bobhu bojanja neke.Ato bo,nanga nebo ka mekako,nanga nemamea na tetemisa a nyongo anja mosa a ntua a ntua a tena a nyongo. ⁸ Mokonga aubha doni gea nenokondi phee n'ekondi nde a Kilisito Yeso. ⁹ Co,neomema Mokonga kanyongo anu be:Ekondani nenu abike phee.Buubhapha phee.Boengephe anja. ¹⁰ Mpo, boodigimisa kema nde a anja phee.Bobe photo bakpa ba anja phee, kanga oyeyo k'esa nde Kilisito ajaeka. ¹¹ Nemeni photo gea,bobe batoa doni bii Kilisito aonoamba.Mpo,Mokonga aoba n'obhebho,na boombia ka nyongo anu . ¹² Baya,nekondi buubhe gea kema ajede amokidianei,a ndiu to ka tutuisa a nyongo anja. ¹³ Nga,babondigi-endu bobhu ndea moame angbongbo,na batoa kanji bobhu photo.Bauubha bhase gea ,neko mekeko ka nyongo a bhedaneaga a Kilisito. ¹⁴ Ka bondo,badhani ba Kilisito ba asi, ba yeto aba na ntende a tomiaga a nyongo a Mokonga,kanga a koboboko. ¹⁵ Co,bunengbo baotomiaga nyongo a Kilisito na mema a nsengo na mema eteba.Bunengbo ba gake otomiaga na mophe anja. ¹⁶ Bo, bamokondi,bauubha gea te,ne ka mekako ka nyongo a mamea a nyongo anja ndea Kilisito . ¹⁷ Batoa-nsengo ndo,baotomiaga nyongo a Kilisito na mema edokomisa na maibhe maibhe.Baokaba tambisaga ani goto asi,bii ne ka mekako. ¹⁸ Nndo nna na nyongo .Nanga baba na mophe anja.Batootomiga nyongo a Kilisito ka bondo,ne to na maseye.Eya,nebande photo na maseye kau phee. ¹⁹ Nga,neuubha doni gea,sungiaga a tambaga ani,ande boamianemo,ka nyogo ememi nenu k'ema ,na bii mema a Yeso Kilisito aomoenga. ²⁰ Ande gea te,neosuia phee,neosebea gea,kekueku na soni.Ne ndiu otetemisa gea,nephangie bophambia a Kilisito ka tambea ani bhui,kabe keke nde,kabe esa bhui,kabe kaenda a kabe ka kukua ani. ²¹ K'eme,enda ato ka nyongo a Kilisito a Kilisito kukua ande ekomi. ²² Ne ye oenda,neototokisa ekuma anja.Ka bondo,keuubha somboa sosobe a kukua na enda. ²³ Ande gea te,mophe ibe aomobotea ka phe danga danga nesu ga ika na Kilisito nndo ungo nekondi phee. ²⁴ Enda ani a gake kema anja ka ngongo anu. ²⁵ Bii nedigimisi ye nndo, neuubha gea,neendande,neoika na benu bobhu. Mpo,booga mosa ka beekea a Kilisito na maseye. ²⁶ Ka bondo,k'esa a jua ani goto motenu,bombhebhande Kilisito phee ka nyongo ani. ²⁷ Bii a bo tambeani bindo akeni ka bakpa nde babeeki nyongo anja ndea Kilisito.Geani to bo,ka gea te,nanga nebhika k'aphe a onjia anu,nanga kebhuki,neokande nyongo anu, na to anja,botetemisi kema bhui na mema mo,nobhobhedanigi akpa phee ka embisa a nyongo anja, ndea Kilisito. ²⁸ Bokobangembe babibia anu.Kabo,ntende nenu abande mpanio a bungaga abo ka benu, abande mphania a boami nenu ka mema, nnde Mokonga atotokisa. ²⁹ Ngo,ka bonjanja neke,ye amophangi aphe a beekea a Kilisito.Nna ntondo bo,a photo tambaga k'ina ake . ³⁰ nga,be k,etu bindo dobomooni kau.Eya ,buubha gea te, ne photo kau.