¹ Baya,benasiki a onanu goto phee na maseye ka nyongo anu,nga bonde bea k'ekombo a boombia nemo.Ba dhani ekondi ,bii abo,mamani kpe bii bo kimoti na Mokota. ² Co, benu Eodhia na Sitike,nenodengemisigi;bii boongani na Mokota,onganani sosobe anu, ³ Eya,dhani a doni Sujunge,neomemi,oengaboke ndoo. Nga, batambigi kimoti n;eme k'ekuma a nyongo anja ndea Kilisito,Dabatu photo na keema, na badhani babhedanigi buangbo, Mokonga adundu gake ina abo subi a buku a enda a meyo. ⁴ Co,bani na maseye mbeno bhubhui, kanyongo a ongana anu na Mokota,nesikii go to bani na maseye. ⁵ akeni bakpa bobhu bauubhe bophongo anunga,Mokota osoobhika. ⁶ Bokomakegembe mema anu ka kema,ngodeani ndiu Mokonga,kema nde bokondi k'ememi nenu.Nsengani photo subi ememi ndoo. ⁷ Mpo,Mokonga aonoamba,aobhisa bojeje ka ka mema anu,bojeje ndo nanyenyi ubhapha bhui,aonophangisa ka nyongo nde,boongani na Kilisito Yeso. ⁸ Co,baya,ka sungiaga :nyongo nde ande doni,nyongo nde akeni dokomisai,nyongo nde ande anja katotokisa,nyongo nde nna na kiseki,nyongo nde aobangea bakpa,nyongo nde baobhebha,aoba kema na anja nakeni abhebho,co,bhisani pho nyongo ndo ka mema anu. ⁹ Kanisiani kema nde denogoisigi ka bophei nemo,kema nde booki na ona ka tambea ani geani to bo,mpo,mokonga,mena bojeje, ande kimoti na benu. ¹⁰ Nena maseye phee,nnde atoki ka Mokota .Nga,bomokanisi goto,eya,dobomokanisia mosa, aphe a tekisia ani nkumba gake,dakatubei. ¹¹ Keyongi bo ka gea,ne na siki a kema nga, nanga bii negoigi buiki bhubhui,nenabojeje kau. ¹² Ne photo uubha buiki a buyene ,ninde a toa,Eya,negoigi phiphia a buiki kadanga-danga,k'oma bhubhui,kabe k'ekuta,kabe ka anja,kabe k'etoi ka buyene. ¹³ Netoki to bhui nga Kilisito a ambe amogbagisi. ¹⁴ Nanga abo bo, bomogii photo anja .Ka nyongo nde,bomoengi ka tambaga. ¹⁵ Benu baphilipi,buubhui bii dekoangi tomiaga a nyongo anja katoka ani na Makedonia,ka kanisa bhubhui,benu tondo ba unge dobomoengi boo motekisia nkumba a bhedaneaga,neonosikisia nkumba a ka mema. ¹⁶ Eya,bii detu na Tesalonika,dobomoengi mongo asi, na kema nde detu na sikii. ¹⁷ Nna gea te,neokaba bokambia nenu,ne ndiu to okaba bikisa a bokambia nenu a ka mema. ¹⁸ Nga, bakambia nenu omogobi,o photo omonyenyea,bii ye to na kema bhui.Nga,bokambia nenuande bea nyama aphea ,nnde ana su anja ka bondo,Mokonga a obeekea, ka nyongo nde,ambongei. ¹⁹ Eya, Mokota nemo Mokonga atotoksande kema bhui,nnde bo na sikii,bii ande mena kema anjanja .A gea ande bo,ka nyongo a ongana anu na Yeso Kilisito. ²⁰ Co,abhe Mokonga,abe na boombia ka saga na saga.Abe bo. ²¹ Oseseani bakpa bobhu bunde baongani na Yeso Kilisito badhani nde ne kimoti no bo,banosesi. ²² Ba Kilisito bobhu banosesi photo,bunde a k'ekondi ndea moame angbongbo kaisaia,banosesi phee. ²³ Co,bonjanja ekondi ndea Mokota Yeso Kilisito,a be ka mema anu.