¹ Benu gake,bojujuki ka kukua kimoti na Kiisito.Ka bondo,kabani kema a na kobha,omande Kiisito auki ka njaga a muku a Mokonga. ² Bhisani pho memanu ka kema nde a na kobha,nnde a ka mokonda. ³ Nga,boku yeto,bo ndiu oenda kimoti na Kiisito kagea te,kema ajede a ka mokonda kanoboteembe. ⁴ Co,bii Kiisito ande cina a enda anu,k'esa anja ake,bobhikaeka na bo ka boombia neke. ⁵ Ka bondo,kusani kema ajede a ka memanu,nnde a ka mokonda bea: Iebe, bojookio,otungo,sikia gea ajede,kuma,nnde ande etete a bia. ⁶ Nyongo a kema ajede ndo unge,esuia ndea Mokonga abhikaeka ka u. ⁷ Nga,tambea anu datu to bo,mosa a beekea a Kiisito. ⁸ Kekende ye gake, akeni tokisa a kema bhui ndee: Bei, esuia, kokae mbhoma,ephoti nnde daotoka k'aphe-noko anu. ⁹ Bokoyongeanembe mbea. Nga,bodeketi ye tambeanu a kala,na kema nde doboogea mosa. ¹⁰ Eya,Mokonga anoconji goto,mpo,booba bakpa a keke. Ande geate,Mokonga aoketia tambeanu esa bhui,gea te,bokengeane na bo. Mpo, boomubha phee. ¹¹ Ka bondo,nna ye ngongo a ba Yudha na bakpa nde bana ba Yudha,bangu ganja na bunde bakagu ganja,bakeni,batoa-jai-jai,bakobe,ba niki a nji.Ande ka nyongo nde,Kiisito a gu a kema bhubhui naiki ka mema a bakpa neke bobhu. ¹² Mokonga anosombu, aonakonda, booba bakpa neke.Kabondo,olani bhongo anja a ka mema,na nde: Ngomi, bonjanja, edhidhisa,bophongo phiphia. ¹³ Eya, phiphia nani.Aoba nkpa na na nyongo na dhake,adekete.Geanani to bo bindo Mokota dadeketi bojede nenu. ¹⁴ Bii booli bhongo ndo bhubhui a ka mema,bhisani ekondani gui.Nga,ekondani a unge aoenganisa babeeki bobhu anja. ¹⁵ Bojeje ndea Kiisito aike bea moame ka memanu.Nga,Mokonga anoophani gea te,bobe bea nkpa moti.Bii abo,akeni bobe na bojeje benu bobhu,bobe photo na mema a sega a Mokonga. ¹⁶ Nyongo anja ndea Kiisito abike subianu phee. Goisanagani,pheanani na kobonge phee, Embani photo embo a buku a Mokonga, embo a bhebha a Mokota na embo nde mema a Mokonga a noophi.Eya,nembeani Mokota na mema anu bhui. ¹⁷ Kema bhubhui nde boogea,na nyongo bhi nde booyongo,geani to bo k'ina a Mokota Yeso,nobo photo onsega Abhasu Mokonga ka nyongo a Kiisito. ¹⁸ Co,bake,obokani bamunyanu bindo akeni ka bakpa nde baongani na Mokota. ¹⁹ Boko,okondani bake anu, bokokae embe. ²⁰ Baniki,obokani babokoti anu ka kema bhubhui.Nga,nndo unge ambongei Mokota. ²¹ Benu baabhe,bokuubembe baniki,ambe bakatotokiseku ye ka kema. ²² Benu bakobe,obokani bakota nenu a ka mokonda,ka kema. Bhi. Bokobhedanegembe to,mme banobondi ka nyongo ekondisaga na bo.Bhedanagani to,mmbe benobondi ka nyongo ekondisaga na bo.Bhedanagani ndiu na mema mo,ka nyongo ekondisaga na bo.Bhedanagani ndiu na mema mo,ka nyongo nde, boombanga Mokota Yeso. ²³ Eya,aoba na boogea kema,bhisani mema anu bhui ka u.Ubhani ka mema a nu gea te,a to Mokota Yeso ambe boobhedaneaga,nna nkpa. ²⁴ Nga,buuubha gea,Mokota anoophande photuko,nnde abande.Ophendo nenu. Eya,Mokota Kiisito a ambe bhoobedaneaga. ²⁵ nkpa nde aogea ajede,Mokota Yeso amphendaeka ajede ka nyongo abojede nde ndo agi.Nga,Mokota Yeso atenande nyongo a bakpa bobhu ndhe!Kanga a somboa a nkpa sosobe abo.