¹ Benu bakota,ogeeani bakobe nenu anja phee.Ubhani gea,benu photo,bo na Mokota nenu na kobha. ² Suiani ememi, engephisani k'ememi kau,bani photo mema a bosegi ka Mokonga. ³ Memani photo ka besu gea,Mokonga akode k'asu aphe tomiaga a nyongo neke,nnde dosoomi.Nga,ka nyongo a nyongo ndo unge bamomaki ne ka mekako. ⁴ Memani photo gea,netomiege bhase,nyongo neke bindo amososi. ⁵ Tambeani anja mosa a bakpa nde bana k'ekombo a Kiisito.Esa kanokuiembe jai. ⁶ Yonga nenu abeanja esabhubhui,ebongee bakpa bea eea nabatusi na monei.Mpo, buuubha sikisia a nkpa bhuake,baobhi anja. ⁷ Dhasu ekondi Tukiko anuubhisande nyongo ani bhui.Ande bedanigi a njanja,be photo obhedaneaga Mokota kimoti na ye. ⁸ Nenteki motenu ka gea te,bodigimise boiki asu.Mpo,mema anu aophonga. ⁹ Ye bage na Onesimo.Onesimo ande dhasu ekondi,na ntoa-dhoni?Co,nna pho k'ekombo nenu,a baKiisito?Eya, bo, banongodeagande nyongo bhui nde a koni. ¹⁰ Aisitako anosesi,mmbe a ka mekako kimoti n'eme.Maliko,ayake na Bhanabha,anonsesi photo.Ye a ambe denongodigi nyongo a ke.Co,a ye okidia,nseseani anja. ¹¹ Yeso,mmbe baomophana Yusito,anosesi photo.Boko basao ndo to,ka bunde baobhedanaga kimoti n'eme,bande ba Yudha.Besu bobhu be to otomiaga nyongo a kobuame ndea Mokonga kimoti.Ka bondo,bamophiphisi mema. ¹² Epaphaa anosesi photo.A photo ke kombo nenu ndea ba Kiisito.Ande mbhedanigi nde ba Kiisito Yeso.Aomema Mokonga na moingi ka nyongo anu bea nkpa na k'etu ememi neke ande gea, bomote ka mema,bodigimise bhase,mophe bhui a Mokonga. ¹³ Nemamei nyongo neke gea,anophendaneigi a kpe phee.Angi photo bo ka batua-Laodhekia na Ielapoli. ¹⁴ Dhasu ekondi loka,mmbo nsaku,na dhema,banosesi. ¹⁵ Oseseani k'ani badhasu na loandhigia. Ka bakpa bobhu ndo,nseseani photo aoasu Niipha,na babeeki bobhu bunde baodhonda na moteke. ¹⁶ Mbusa a tanga aboaba nde tekisani photo ka batua kanisa a ka Laodhikia,batange.Detekisi baoba nengbo motebo,nnde banotekisiande goto.Aye ekondia,bootanga. ¹⁷ Ngodeani a Aakipo gea,atotokise ekuma ndea Mokota,nnde dabamophi. ¹⁸ Eme Polo a ambe nedundu moko nde sasa ani:Boko boseembe gea,nekamekako. Co,bonjanja ekondi ndea Mokonga abe na benu.