¹ Nekondi gake buubhe,bii nebhedanigi akpe ka nyongo a nu,ka batoa Laodhikia,na photo ka bakpa bobhu bunde bakamooni mbe. ² Nebedanigi to bondo ka gbagisa a mema a ba Kiisito bobhu gea te,babe kimoti kekondani,badigimisa ubapha bhui.Ndo akeni ka ubha a mongo a bosomea nde a Mokonga,na nde nyongo a Kiisito. ³ Nga,ye,andesina aubapha na kobonge bhui.Nndo ande etoi nesu a ka mema. ⁴ Negi bo ka gea,nkpa kanodhemegembe na boabi ambea. ⁵ Nga,be kimoti ka mema,nanga neba danga ne gake na maseye,na nyongo nde neoni moango nenu anja na ka nyongo nde bosui beekea a Kiisito. ⁶ Ka bundo,bii bobeeiki gea,Kiisito Yeso ande Mokonga nenu,ndaka teaniye. ⁷ Bani photo beame na ngisi migi ake subia odo,Kiisito na nde bea ado ndoo.Bani photo mbea mopheko na bakimui akpe.Ande gea te,suiani beekea ake bindo banogoisigi. Bani photo na bosegi asi kaye. ⁸ Oambani ndiu gea,nkpa ka noko dembe ka bophei odhemayo,a jai-jai,nnde atoki ka aii ndea bakpa,photo ka beketi a ka mokonda,na ka toki ka Kiisito. ⁹ Nga,biye datu ka mokonda,datumi nobhigo bhui ndea Mokonga. ¹⁰ Bii boongani naye,bonobigo neke bhui,ye nande moame a bauka,na baiji aka mpena. ¹¹ Mbeno nde boongani naye,bogu ganja.Ganja ndo nna gake ka ganja a nkpa,andiu ganja ndea Kiisito.Ande nnde aduukani ka nyongo a onganisa ka kema bhubhui na ye gea te,kiisi atokisi obhigo nenu a jede. ¹² Nga,mbeno nde bano batisi,ande mbea umba anu na jujukisa anu kimoti na Kiisito.Nga,bobeeiki bukpekpe a Mokonga,mmbe ajujukisi Kiisito nesosobe abasi. ¹³ Benu gake,doboku mosa k'iso a Mokonga,ka nyongo a bojede na mema a kouo.Kekende,Mokonga ano jujukisi ka kukua ndo kimoti na Kiisito,aobosea bojede nesu bhui. ¹⁴ Nga,aimi baoba neke, akitongiasu.Baobando datu bea mbibia asu,ka tuatena a nyongo neke Kiisito agake obedau,aokokeaga ka mosabaa. ¹⁵ Oa,auuta bakpekpe a bauka, na bai-nji bobhu a kampena.Aobotaga baame ndo mbusa ake bea batoa mekako. ¹⁶ Ka bondo,nkpa kanotenembe nyongo a kpe ka nyongo a kemande booea,ninde boonaa.Bokobeekembe nkpa nde aokoba dokomisa esa a maseye esomba bea esa a baeka asongi na esa a sabato. ¹⁷ Nyongo ndo bhui,a to iii a kemande abhika eka.cina iii ndo,ande Kiisito. ¹⁸ Eya,bokobeekeembe bakpa nde baotena nyongo nenu akpe.Bo,baogea te,akeni botambi sege nyama anu,na bhebha a Bamalaeka k'esomba nenu. Babhisi photo mema a bo ka kema nde baoona ka mphao. ¹⁹ Co,bakpa ndo bakatani na Kiisito,mmbe a beamo a kanisa,kanisa na bea nyama ake.Nga,ka nyongo a ke,nyama ake bhui aokuta,kesuku na nkua aodokateana.Mpo,nyama ake aomota bindo Mokonga a kondi. ²⁰ Eya,bii bokuye to kimoti na Kiisito, bokuye kusi a ka mokonda?Co,eke nde baiki bea bakpa nde banaomubha Kiisito Yeso bii boobeekea eophi nde bende: ²¹ ''Bokobhedembe kema otoka, bokokengeembe k'ee a otoa,boko dhungembe tanda ka u?'' ²² Eophi ndo bhui ande to kema a ujukana,mbeno nde baobhedanaga ne.A tondo bakpa ba unge baobhisa na goi saga eophi ndoo. ²³ Eya,bakpa bau ubha te,eophi ndo ande kobonge bii baobea nyongo esomba,baobhisa kusi,baotambisaga ne.Nanga ababo asii ndo nnaonenga nkpa,bii ye aokaba tea a kema ajede,nnde aombotea.