¹ Polo,nteki ndea Yeso kiisito kekondi ndea Mokonga,na dake Timoteo. ² Ka bundo bakpa nja,batoanja subia a Yeso, animbe ande Kolosai;Ka gea ekondi na boamia,atoka Mokonga abhe nesu. ³ Beosega Mokonga,abha-mokota nesu Yeso kiisito,mbeno bhui nde beomema ka Mokonga anu. ⁴ Nga,beoki bii bobeeki Kiisito Yeso,ne bonkondi bakpa ndea Mokonga bobhu. ⁵ cina a beekea nekondi ndo,ande nsebeo nde bone ka mema ndea Mokonga anobongisi na kobha.Dobodigimisi nsebeo ndo mbeno nde dabatotokigi nyongo a doni,na nde nyongo anja ndea Mokonga. ⁶ Nyongo anja ndo,aembi mokonda bhui,mbea nafai,aogopha.Atobo kabeno nsumbi dobooki mosa-mosa,bonjanja ndea Mokonga danogii doni. ⁷ Eya,epaphaa a Abe doni phangigi nyongo ndo.yeambe beabhedanaga naye benkondi phee aphoto obedanaga Kiisito na mema noka yonganu. ⁸ Ye ambe dasongodi gea,bokondani phee doni,mema a Mokonga abhe atotokisi ndo sosobeanu. ⁹ Besu gake,nkpa gbaga abii debeoki nyongo anu,bekeodeketa dengemisaga a Mokonga ka nyongo anu.Ememi nesu ande gea:Bodigimise anja,mopheake,bobe na bongena ubaphasi,a kamema. ¹⁰ Mpo, bootambea anja bindo akeni bakpa ndea Mokonga,baomotokisa ekuma asii na anja; ¹¹ Mpo,ye aonogbongisa na kukpe neke bhui ndea na boombia phee ka bondo, bokini ande,bophiphia nyongo bhui na maseye. ¹² Mpo,boosenga Abasu Mokonga,ka nyongo ndea bongisigi mema aonopha motumbo abotuko neke botukondo nde bana bakambia kimoti na batoa koboame ndea Mokonga,komando ye aobenya mbea amani. ¹³ Ye a ambe asophi ka bukpekpe a kaiphio,asotoisi,aosongisa ka koboame ndea miki neke ekondi. ¹⁴ Ye ambe asosodu ka bojede,aobosea. ¹⁵ Kiisito ande iii a Mokonga,mmbe benaomona ande ange,gua kema bhui, ndea mokonda daconji. ¹⁶ Nga,ye ambe Mokonga damophi bukpekpe a conja a kema bhubhui,ndea nakoba,a ka mokonda, nde baoona,ninde banaona,bakota na baame ak'ego,bauka na bainji a ka mpena-ke mabhubhui ndo,Mokonga daconji ka nyongo a ke na ka bukpekpe neke. ¹⁷ Daendi mosa a kema bhubhui embei ka nyongo a bukpekpe neke. ¹⁸ Botoa kanisa bande mbea nyama akeye ande moambo.Nde photo kpangeo a kema bhubhui ande ange a bujujuki ka kukua,gea te,abemoame a kema bhubhui. ¹⁹ Nga,abongei Mokonga gea,anake abhe nobigo neke bhui. ²⁰ Mpo, aoongana na bakpa bobhu ka nyongo a Kiisito adukani ka mosa bagebo,ka nyongo aonganisa a kema bhubhui naye,kabe na koba,kabe ka mokonda. ²¹ Benu gake,dobokatanigi na Mokonga, booba babibia akeka nyongo a ubaphanu na tambeanu ajede. ²² Kekende ye gake, Mokonga anoonganisi naye ka nyongo a kukua anake bii datu nkpa ye,dagii bogea, anokidianise mosa abhake,nabo na bonjanja,kanga ankiki na kiseki ka mema anu. ²³ Akenito,bonsuie beekea ake,bodhoo ndee ka mema,kanga a deketa a n'sebeo ndea subia nyongo anja neke nyongo anja ndo aunge dobooki,na dabetomigi bakpa bobhu ka mokondha, eme Polo gake,nende mbedanigi ka ubisai. ²⁴ Kamatu nde nena maseye nanga netambaga ka nyongo anu nga,bindo Kiisito datambigi,nephoto atobanga beaye k'ina a kanisia,nde ande mbea nyama a ke ande gea te,neogobea ekuma neke nde adigi. ²⁵ Mokonga amophi kokota, nebedanigi ndea kanisia,netotokise ekuma nde amophi ka nyongo anu.Ekuma ndhe ntomiaga a nyongo neke bhui. ²⁶ Nyongo ndo ande kage moango nde desomei bakpa bobhu kala phee kekende,aphangi yeto baseka bakpa neke. ²⁷ Dakondi photo phangia a bakpa nde bana ba Yudha gea,moango a bosomea ndo,ande ketangao-ketangao ndo ande ketangao-ketangao ndo ande gea Kiisito aiki ka mema anu,mpo booba na nsebeo aika kimoti naye k'oma boabia. ²⁸ Besu gake,beophea na tomiaga a bakpa bobhu,nyongo neke.Beogea ba na kobonge bhui gea te,bemotise ba Kiisito bobhu ka mema,mpo,beokidianisa mosa a Mokonga. ²⁹ Ekuma nemo ndo,ande be etu,nnde neomana na bukpekpe angbo nde Kiisito amopi.