1 Ebene witu, muku yusa, mushambale mukati ka nahano. Ndagaleka uku muyandikira gagano gagano magambo, mukuba imwiinyu gali ga bukize . 2 Muyilange nabanyamwala, na'bakozi babi munashubi yilanga nabatengulwa be'binyoma. 3 Mukuba abatengulwa tuliri twehe tutuli muyikumba Rurema ku bushobozi bwo'mutima mweru ye tuli muyivuga mu kirisito yesu, tutanali mubika umu langaliro mumagala. 4 niehe nangabisiri umulagaliro mu'byagala iri hangaba ugundi ulimuyiyemeza byamagala nanga bikola ukuleziri. 5 niehe, nga tenguulwa lusiku lwo'munana muba izirahereri, beene Benyamini, Muheburaniya ubutwa no'muheburaniya Kukulirikirana ne'maaja za'Barisayo. 6 Kukulirikirana no'butungaane bwe'maaja buzira kashembo ngalibuza ihengero umwete. 7 Haliko yibyo bindu byo'nakizi bona kwo'bunguke, ngayiji bibona nga luhombo imwa Kirisito. 8 Nakwokwo nirimubona ibindu byooshi nga luhombo higulu lyobuhamu bwo'kumenya Kirisito Yesu nahano waani ukatuma ngalahira byoshi, ninakolaga mubibona nga bida kahalinde niyunguke Kirisito. 9 No'ku longekana mukati kage, kutaliri higulu lyo kutungaana kwani ukulyosiri mumaaja; hliko kulyosiri mu bwemere imunda kirisito, ukuli uku lyosiri imwa Rurema kunjira yo'bwemere. 10 higulu lyoku menya Kirisito,no'bushobozi bwo'kuzuuka kwage, nobuguma ubulyosiri mumalibu gaage mukuba nga yehe mu lufu lwage lyo tuhikira, 11 iri nanga deta kukuzuuka mubafwiri. 12 Kutali kudeta kwo kera nahabwa ibihembo kandi iri keera na hikira akalimbi, haliko nikigweteriri umulindi halinde nilonge, mukuba nani ngalongwa na Kirisito. 13 Ebene witu,ndatoniri kwo keera nalonga haliko niri mukola igaambo liguma: muku yibagira ibikalenga no'ku kulikira ibiriri imbere lyani. 14 ndibutibitra akalimbi, halinde nilonge ibihembo bye'mbira nyeruka ya Rurema mu Kirisito Yesu. 15 Tweshi twetunganiri, tubere nenzaliro nguma ne'ri mwangaba ne'zindi nzaliro, Rurema agaba lomekera. 16 kuhano keera twahukira, tugendage haguma. 17 mweshi mukizi nyigaania eebene witu, Mukizi langiiza kwo bayigweti Kukulirikirana na'kalangingikizo muka tulolera kwohe. 18 Mukuba hali biingi abayigweti ngaba'goma be'kibambo kya Kirisito, nalikizi tuula nga mubwira byohe lwakingi, nazene nashubi mubwira byohe iri nangweti ngalira. 19 Imbeza yabo kugaba ku sherebera, amabunda gabo ye rurema wabo, bali mubika ubulagashane bwabo mubyanga bateza ishoni, inzaliro zabo ziri mubindu bye'kihugo. 20 Haliko akaya kiitu twehe kaliri mwigulu, yomunda lukiza nahamwitu Yesu agahuluka 21 Yega hindula gano magala gebyaha, anaga hindule gashushane na'magala gaage go'bulangashane ku bushobozi agweti bwo'kurongora ibindu byooshi