1 E bakundwa baani na bene witu, bwo nikuziiri, mwemulyagagi busime bwaani, munali lushembe, muyame mwa yishwekera ku nahano, ebene witu bakundwa. 2 Nahanula Yerodiya na Sendushe kwo babere no'mutono muguma mukati la kirisito nahano. 3 Nanawe we witu mukozi mwemera , nakuyinginga ukizi batabaala, yabo abakalwira imyaazi miija haguma na niehe, haguma ne kirema, na'bandi botuka gwasania mumukolwa, na'mazina gaabo gali mayandike mu kitaabo kyobulamu. 4 Mukizi yama mushambiiri mukati la nahaano, namubwira kandi Mukizi shambaala, 5 Ubutuudu bwiinyu bumenyekane ku bandu booshi. Nahano ali hofi. 6 Hatagire igambo lyo muga kizi yiganyira kwohe, haliko mubyoshi mukizi menyesa Rurema ibi mugoziri kulengera amahuno no'ku yinginga, munakizi mutangira kongwa 7 Kwokwo; lyo'mutula gwa Rurema gugakizi mulangaga mumitima yinyu, na munzaliro zinyu, mukati ka Yesu kirisito. Eee, umutula gwage Huli gwa kahebuza. 8 E'bene witu, mukuyusa, namubwira kwo mukizi yitonesa kungisi ibiri ukuli na kungisi byo'lushagwa na kungisi ibi kwiriri, nangisi ibiri byerusibwa, ngisi ibi simisiizi, nangiisi ibiri mudetwa bwiija. 9 Ngisi byo'muka yiga, mwana biyuuvwa no'kubiyakiira kushaaga imwani, nangisi'byo muka bona imunda niriri mukizi bikoleesa, na Rurema wo'mutula agaba kukuma naninyu. 10 Ngolagi shambiiri bwenene mukati ka nahano mukuba banyuls lye'siku nyingi idées mwa shubi mbahalira akasiisa, mwali tuulano'mwete gwo'ku mbahalira simwali buziri ubulyo gwo'ku guyerekana. 11 Ndadeta yukwo higulu lya'magorwa gaani mukuba idées nga komeera ukuba mubusime ngisi kyaanya. 12 Niri mumenya uku ramba mumagorwa namu bushambale. Mubyooshi n'a hooshi, ngayiiga uku yiguta no'kushalika , mukuba mubugale kandi iri ukuba mubukeni, 13 Niri mushobola byooshi mukati ka nahano uli mumbeza imisi. 14 Kwokwo, mukagira bwija uku nyegera mungorane zaani. 15 E Bafiripi, mwenene muyiji ikyanya imyazi miija ika tondera i makedoniya, ndalyo ishengero likaba ne'ngoome nanani , mutali mwehenaaho ngakwo muyiji. 16 mukabonka mwenene naho muku tambaala;mukuba il Tesaloniki mukandabala kabiri kabiri ngisi ibyo nali keneri 17 kutali kudeta kwo niloziizi ubutabaazi haliko niloziizi ibitumbwe ibigweti biga mufulubira mwohe. 18 Keera galoonga byooshi byomuka ndumira kulengera Hepofurodito, Keera ngabiyakira byananyukiza amagorwa gaani gooshi, nebindi byana sigala kwohe. Yibyo bindu liri itulo iriringa mubadu, yirio' itulo lisimisiizi, Rurema ali yakira. 19 Kwookwo, ninyu Rurema witu agakizi mutabaala kukulikirana nobugale bwage bwa'kahebuza, no'bulangashane bwaage mukati ka Kirisito 20 Rurema daata ayagirwe imyaka ne'myakuula! Amina! 21 Mulamuse aberusibwa booshi mukati ka Yesu kirisito. Abiitu tuliriinwi nabo bamulamusa. 22 Aberusibwa booshi bamulamusa, ne'ngingwe aba munyumba ya Kayizaria. 23 Ulukoogo lwa Yesu Kirisito nahano luyaame mumitima yinyu