1 Irangaba mukoli kanizibwi imitima mukati ka Kirisito, iri hangaba hali ubu luhuke murukundo, iryangaba ubuguma bwo'mutima, iri'angaba hali ingoome nendengerwa, 2 munjambaaze lwooshi, mukizi yuvwanwa iri muna kizi kundana mukati ko'buguma mumitima, munakizi salira kuguma. 3 Mutakizi ki kubagirira ubukulu, mutana kizi tu kangaata, haliko ubutuudu bukizi tuma muga bonaga kwa'bandi boba mukuliri. 4 ngisi muguma winyu, ata kizi yi hahalira yenene, haliko akizi hahalira abandi. 5 Mukizi bera ne'mitono iringa yo Yesu kirisito aligweti, 6 uwali yamiri ngangisi kwo Rurema ali,buzira kugirakwo amu yigerere. 7 haliko ana yishonola yenene ana yigira mukozi, noku yi hindula nga mundu, noku hali yami shusha umundu wo'busha busha. 8 aka yi'jehula yenene, anaigira mundu wo'kusimbaha, halinde ku lufu; kuhisa ukufwira kukibaambo. 9 Kyokyatuma naye Rurema aka mugiingika no'butwali, ana muheza izina iri sumburi agandi gooshi, 10 kugirakwo izina lya Yesu lifukamirwe mwigulu, hashi na higulu,. 11 Nangiisi ndeto ikyule kwo Yesu kirisito ye nahano, mu bulangashane bwa Rurema daata. 12 Kwokwo, bakundwa, ngakwo muli mutuula muga simabaha, mukolere ubukize bwinyu ne kyooba, nokujuguma,itanabe naho imalanga gani, haliko kwakundi ne'ngingwe kukyanya ndali hoo; 13 Ibenge Rurema yeri muleta ubuloze ne'mikolezi, ngangisi kwo ayifwijiri. 14 Mukizi kola byooshi buzira kuyi dodoomba kandi iri kupapana, 15 kugirakwo mube bana ba Rurema bataluule, bazira kashembo mukati ka'bandu be kihugo abakoli bihusiri no'ku sherebera, abo muli muyakira mwohe nga ndoonde mukihugo, 16 Iri nanga yitwaaza igaambo lyo'bulamu, nanga yiija yivuga ku lusiku lwa Kirisito, bwongaba nda tibitira ubuha. 17 Nakundu nanga yitanga ngituulo lyoku yiitwa higulu lyobwemere bwinyu, ngabi shambalira kuguma na ninyu mweshi. 18 Naninyu, mushambale kwakundi, muna shambale na niehe. 19 nilangaliri mu nahamwitu Yesu mulungikira Timoteyo, halinde nilonge ukuyuvwa ibi muloziri. 20 ibenge ndayo mundu ngweti hano yenanga ganulira imitono yaani, kugirakwo ayuvwirize ngisi kwo murambiri; 21 Booshi Kwokwo bali mufitirwa mubyemwa'bo, bana leke ibya Yesu. 22 muyiiji kwo akagezibwa, higulu lyo mukolwa gwo'mwazi mwiija twenaye, nga kulya kwo'mwana na yishe. 23 Nilangaliri uku mulungikira yehe, mango nabona kwo ibyahano bigambeera; 24 Ninagweti yugwo mulangaliro mukati ka nahano kwo Kiri niehe nienene ngola nga genda. 25 Nda toniri kwo biri biija nimu lungikire mwene witu wa Hepafudito, muherekena wani mu mukolwa na'mwizibo, ngisi ye muka ndungira kwohe ibika ndabala uku mala amagorwa gaani. 26 ibenge akoli yifwijiri uku mubona mweshi, bwo umutima gwage guta kituziizi nga ngisi kwo muka yuvwa ubulwazi bwage. 27 Akalwala, analikola agafwa, haliko Rurema ana muyuvwirwa ulokogo, atanali yehe yenene, haliko nanani aka aka lunyuvwira kugirakwo'mwizingerwe gwaani guta keengere gwa yushulirwa kwo'gundi. 28 kyokitumiri namutuma n'omwete kugirakwo mushambale ukushubi mubona, nanani, umutima guna yike munda. 29 Mumuyakire mukati ka nahano no'bushambale bwiingi, nabandu meneyebo Mukizi ba simbaha. 30 Ibenge, higulu lyo'mukolwa gwa Kirisito kyokitumiri ali hofi ukufwa, mukuyitanga uku mbikiriza ubutabaazi bwomwehe mutaka shobola uku buleta.