Kigajo 4

1 Umulongwe ne'mbambane bimuletwa ne'biki mu twehe twenene? si biri muletwa na'mifwije ginyu mabi go ganagweti gaga mululuvya? 2 Ngisi byo muli muyifwija, ikyanya muli mubibula, muli muhambiri'yitana. muli mugwatwa no'lugi ku byabeene, muli mutondera ukubihambira no'kubibwira. ngisi byomulozizagi mutali mubilong, mukuba mutali mubihuna imwa Rurema. 3 Mu muhuuna, haliko muta muhebwa, mukuba mumu hunabuligo, mukalimbi ko kusimisa amifwije ginyu. 4 Si mukolaga bashule! kamutayiji kyanya muli mugwata ubwira ne kihugo lyo muli mushombana na Rurema. 5 Kamu menyiri kwo'lwandiko lumudeta ikinyoma? umutima gwo Rurema akatubika, guli mu looza bweneene, kwo tube bemera. 6 Kuguma nayukwo, Rurema, ali mutuyushulira ulukogo; kyo kitumiri biyandisirwi kwokuno: Rurema ali muyi kaanya ku bamu yihemya, haliko ana yushulire aba tuudu. 7 Mukizi yibika haashi imbere lya Rurema; muna iyeke kisigo, naye aga ku pumuka. 8 Mukizi yegera Rurema, naye aga bayegeera. Mushukule amaboko giinyu, mwe bana byaaha; muyeruse'mitima yiinyu, mwe baandu bazira nzaliro. 9 Mujengeerwe; ubusime mwinyu gube mujengeerwe, na'malega giinyu g'abe malira. 10 Mukizi goka mu malega ga nahano, naye aga mukuza. 11 Ebene witu, mutakizi kigambana. mukuba iri umundu angaba ali mu gaamba uwabo, kandi iri kumutwira ulubaajan iri keera ashokoora imaaja zonyene, no'kuzitwira ulubaaja. Ne kyanya ulimuzishokoora, iri utakiri muzi simbaha, unabe keera wayigira mutwi waazo. 12 Rurema naho, ye mubika imaaja, yena mutwi waazo, yeshobwiri uku kiza, ye na shobwiri ukushereza, haliko wehe, uli nga nyandagi, we gweti ugatwira umutuulani wawe ulubaaja? 13 Buno munyuvwirize bwija mwe mu gweti muga deta: zeene kandi iri kusheezi tugz geenda mukaaya kalebe, tunamale yo'mwaka gwooshi, tugweti tuga dandaza yo tuga yungukira ngana. 14 Mwehe mwe mutayiji ibi bigaaba kushezi! mukuba, uburambe bwinyu biribukagi? si buli nga luuta ulumulangiika mu kyanyanya kinyerere lunashubi yehuuka. 15 Mutakwiriiri ukudeta ingingwe: iri Rurema abi looza, twali raambe, na twali koole ibindu bingi-bingi. 16 Si kuzeene mugweti muga yishingirana no'kuyihaya, ukuyihaya kwoshi mweneyukwo, kulyagagi kubi. 17 Iri umundu anga sobanukirwa ne'biija, atanabigire, iri agira ikyaha.