Kigajo 5

1 E'bagale, milire no'kubanda induulu higulu lye'nguuke igamugwa koohe. 2 Ubugale bwinyu keera bwabola, ne mirondo yinyu keera yalibwa ne'ngishi. 3 I'nooro ne'fwaranga zinyu keera za gishamala, ne'ngishi yaazo buga beera bumasi higulu linyu bugana shereza amagala ginyu nga kulya umuliro guli musingoolola. 4 Loolagi i'bihembo bya bakozi a'bakayimbula indalo zinyu, mukabayobohya, amalira gabo gakahika mu matwiri ga'nahano we'biso. 5 Mukaramba mu kanyabungaka ne'bindu mu'kihugo mwanayigusa i'mitima yinyu. 6 Mukahana, mwanakiiri yita abazira buhube batakamuhubira. 7 Mukiri gooyera ee beene witu halinde ku kyanya nahano agayijira kwo. lolagi umulimi amulindira i'mimbu mija ukulyoka mwi'daho, ali mugoyeera i'mvula ye'ndoondeko anahise kiri na kumvula ye'mbeza. 8 Ninyu, mukiri gooyera, mu'kanye i'mitima mukuba nahano akola hoofi. 9 A'magayane gatabeere mukati kinyu been witu halinde mutatwirwe u'lubaja: langizagyi, umutwi we maaja a'kola ku lyango. 10 Ee beene witu, amalibu no'kugoyera, mukiri biyigira ku ba'leevi abakadeta kwi'zina lya'nahano. 11 Tumubahamagala bahirwa balya a'bakalibula no'kugoyeera, mukanabona byo nahano akamuyigiriza mukuba nahano ayijwiri ulukogo ne'ndengerwa. 12 Ebene witu, i'mbere lya byooshi mutakiri kyula kandi iri kugira ugundi mulahi. Haliko, ukuyemeera kwinyu kubeere kuyemeera no'kulahira kwinyu kubeere kulahira halinde mutayiji twirwa ulubaja. 13 Mukati kinyu iri hangaba haliri u'mulwazi, ahunu. Iri hangaboneka u'shambiri, ayimbe e'nyimbo zo'bwivuge. 14 Iri hangaba umulwazi mukati kinyu, ahamagale a'bashaja bi'shengero halinde bamuhunire no'kumushiga a'mavuta kwi'zina lya'nahano. 15 Amahuno go'bwemere gagakiza umulwazi, na Rurema agamuyinamula ku kyajo, na lyanga kola i'kyaha agakogwa. 16 Mukizi yirega ibyaha binyun iri munahunirana iri mulonga ubukize. Mukuba a'mahuno go'mundu utunganiri gamuba ne misi. 17 Elia aliriri mundu nga kuno kwitu: akahuna i'mvula yanayimanga, itanashubi toonya myaaka i'shatu ne'myezi ndatu yooshi. 18 Iri akahuna buhyahya, igulu lyanaliika i'mvula ni'daho lyana'yeera kandi kwe'mbuto. 19 Ee beene witu, iri muguma winyu anga'yihandula hala no'kuli ugundi amugalule. 20 Mumenye kwo'ngiisi ugagalula umukozi we'byaaha anamutwale munjira ya nahano, agabera akiza umutima muguma no'lufu no'kubisha i'byaha bingi.