1 Ebene witu, ubwemeere bwinyu mu nahano muhimi Yesu Kirisito buyemerwe na bandu. 2 Mugeragezege, iryu'mundu angayingira mumuhumanano gwinyu na kanalutoki gwo'mulinga no'mwambalwa mwija na munayingire umundu mukeni uyambiiti buligo; 3 Ngamukuhindulira amasu gawe imwolya uyambiiti bwija muna mubwire, ubwatale hano handu ho'lushagwa! na liwanga bwira unomukeni: wehe uyimange yaho! kandiryu'bwatale hano hidako lyahonifinyizi. 4 Kotagiziri ubugabaane muhewe, na kotanga yitwira ulubaaja kukulikirana no'busaliri bubi? 5 Muyuvwirize bene witu bakundwa: Rurema atakatola abakeni mumasu ge'kihugo, kugira kwo baabe bagale mu bwemeere na baabe bahyani bo'bwami bwakalagania balya abamukunziri? 6 Naninyu, muboni iri abakeni! kabatali ya bagale bobamubabonera na bamutwala imbere lye'maaja? 7 Kabatali bobamudeta buligo izina lyo'mugweti? 8 Iri mwanga kola ulubaaja lwe'kyaami, ukukulikirana ne'myandiko: ugakunda umutulani wawe ngakwo'yikunziri wenyene, wagira bwija, 9 Saliko, iri wanga gira indoola, wagira ikyaha, uhanirwi no'lubaaja ngakulya kwabamulibuzanya. 10 Mukuba ngisi umulolekeza ulubaaja lwoshi, saliko iryangahubira ulubaaja luguma, aba muhane kubyoshi. 11 Kuyubwo, ukadeta: utayegire ubushule, adetakandi kwo'taye yiite. kiziga, iri utanga gira ubushule, saliko unayitane, waba musherezi wo'lubaja. 12 Mudete na munakole ngabagatwi'bwa imaaja no'lubaaja lwo'bushwekulwe, 13 Mukuba ulubaaja lulibuzira lukogo imwolya utakaba no'lukogo. ulukogo lumuhima ukushagira ulubaaja. 14 Ebene witu, bwija buki imwo'mundu ukudeta kwa'gweti ubwemeera atanagweti imikolwa mija? ko'bwemeere bwanga mukiza? 15 Iri mwenewitu kandi ri mwali witu ali busha na anabuziri ibyokulya byangisi lusiku, 16 Na muguma winyu anamubwire ugende no'mutuula, uyishaganiye shaganiye ugahagan na utakamuhereza ibyali kwiriiri ku kagala, kubiki yibyo bigweti akamaro? 17 Kwo binali kwokwo kubyo bwemeere: iri butagweti imikolwa miija buyifwijiri mwo'bonene. 18 Saliko muguma agadeta: wehe, ugweti ubwemeere, na niehe ngweti imikolwa miija. unyereke ubwemeere buzira mikolwa mija nani ngakuyereka ubwemeeere kulengera imikolwa yani miija. 19 Uyemiri kwohali Rurema muguma naho, wagirabwija, ne'mizimu iyemiri kwokwo, ne namulenga mwo'musisi. 20 Kolozizi kwo'menye, ye mundu utamuyuvwa kwo'bwemere buzira mikolezi miija bulibusha? 21 Iburahimu, daata, atakadeterwa ne'mikolezi yage miija ikyanya akatanga mugalawage isaka ngituulo ku katanda? 22 Kamutabwini kwo bwemeere bwalikizi gendera kuguma ne'mikolezi yage miija, na kulengera imiolezi mija ubwemeere bukahindulwa bwerusibwa. 23 Na kwokwo imyandiko yanakoleka, Iburahimu anayemera Rurema, nayiryo lyanatuma agatwalwa kulubaaja, na anahamagalwa mwiira wa Rurema. 24 Mubwini kwo'mundu amudeterwa ne'mikolezi yage, na kutali kulengera ubwemeere naho. 25 Rahabu mushule atakadeterwa ne'mikolezi naye ikyanya akalonga indumwa anazileza mugindi njira? 26 Mukuba amagala buzira mutima gafwiri, na kwokwo, ubwemeere buzira mikolezi mija bufwiri.