Kigajo 1

1 Yakobo, mukozi wa Rurema na nahano Yesu kirisito, imwa tulya tubira ikumi na tubiri utushabusiri mukihugo, namulamusa! 2 Ebenewitu, mulolekeze nga'bandu abashambiiri bwenene abangigezibwa, 3 Namukumenya kwi'gezibwa lyo'bwemeere bwinyu limubuta ubugoye. 4 Saliko bikwiriri kwo'yubwo bugoye bukole umukolwa gwago lwoshi lwoshi halinde kwo'mube beru na'bakwiziri muzira kuhubira ikindu. 5 Ne'rimuguma winyu angahuna ubwitegereza abuhune imwa Rurema umubuhana kuboshi na buzira kukanukira na'gabuhabwa. 6 Saliko abuhune no'bwemere na buzira kusisitwa, mukuba ulya umusisitwa alikulya kwe'bisebuzi bye nyaaja ibimutundwa no'muhusi uluhande no lundi. 7 Umundu uli'ngono atalangalire kwo'hali ikindu kyanga longa ukushaga imwa Nahano: 8 Ali mundu utamuhanulwa, muzira bugwatiro ,unjira zage zoshi. 9 Mwene witu wo'bulyo bwo'bwitonzi ayivuge kukuzamulwa kwage. 10 Umugale, kwakundi ayivuge kubulembu bwage, mukuba aye hijuke ngo'lwaso lwe'kiti. 11 Izuba lya'nahuluka ni'duutu lingi, lya'nayumya ikiti no'lwaso lwakyo lunatibuke, ubwija bwalyo bunatereke: na kwokwo umugale aye bwirwe mumikolwa yage ye fwaranga. 12 Buhirwa, imwolya umugoyera no'butuudu imigezibwa, mukuba hanyuma lyokugoyera aye habwe ulushembe lwo'bulamu lwa'Nahano akalagania balya abamukunziri. 13 Hatagire umundu ugadeta hanyuma lyo kugezibwa, Rurema yemungeza mukuba Rurema atanga gezibwa na mabi na'tamugeza umundu yenyene. 14 Saliko ngisi muguma alimugezibwa ikyanya akulwirwi no'kutwalwa no'bwifwije bwage yenene. 15 Nayubwo bwifwije, iri bumubasha buna bute ikyaha, na yikyo kyaha mukuba kera kyakolwa, kinabute ulufu. 16 Mutabiyihende'kwo benewitu bakundwa: 17 Ngisi lukogo lwija ne'kigabi kija bimushaga mwigulu imwa Daata no'mulengerwe, imwage hatabo'kuhinduka, kandi ri ubusalire bwo kuhiduka. 18 Akatubuta no'kukulikirana no'buloze bwage, kwi'gambo lyokuli halinde kwotube ibiremwa byage byambere. 19 Mubimenye beenewitu bakundwa. kuyiryo umundu abamweshu ukuyuvwiriza, mwitonzi mukudeta, mwitonzi mukugwatwa no'bute; 20 Mukuba ubute bwo'mundu butamukola ubutungane bwa Rurema. 21 Kyokitumiri muku'yihogola ngisi kishembo, no'kuleza ulugero lwamabi muyakire no'bwitonzi igambo likabikwa mumwehe ne'ryangakiza imitima yinyu. 22 Muyiibike mukukola yi'rigambo na mutayihege mukuliyuvwa, mukuyiteba mwenene no'busalire bubi. 23 Mukuba iryu'mundu angayuvwa igambo atanayibike mukulikola, ashushiri ulyamundu umuyilola mukiyo amalanga gage go'kubutwa, 24 Na hanyuma lyo kuyilola amuyigendera na anayibagire ukwa'tanga ukuba. 25 Saliko ugayihangana ukulolekeza ulubaaja lwokuli, ulubaaja lwobushwekulwe no 'gaba akagoyera, mukutabera muvwiriza wokuyibagira, saliko mukuyibika kumikolwa uyu agaba muhirwa mumukolwa gwage. 26 Iryumundu anga salira kwali munishengero buzira kulanga ululimi lwage, saliko mukuteba umutima gwage. 27 Ishengero lyoyumundu uli muzira kamaro ishengero lija liribuzira kishembo, imalanga ga Rurema Daata, liri lya kulola ifuuvi na banamufwire mushoko zabo no'kuyilanga na'mabi ge'kihugo.