1 Kuli kulengera ubuhalafwe lyo Kirisito aka tushwekula. muyame musikamiri, mutana kiyemere kwo mushubi shwekerwa mu bujaa. 2 niehe ne Pahulu namubwira kwokuno, iri mwanga yi handula, Kirisito ata kimugwetiri kamaro. 3 Nalahira kandi ngisi yeshi uli muyi handula, kwobikwiriri akolese ulubaja lwoshi. 4 muka yihandula na kirisito, mweshi muli muloza ukuyi legula ne'maaja; kera mwa nyagwa ulukogo lwa Rurema. 5 Imwitu twehe, lukogo lwo tukolilindiri,kulengera umuka, umulangaliro gwo'kuli. 6 Ibenge mukatika ka Yesu Kirisito, ukuyitenga no'kuta yitenga bitagweti kamaro, haliko ubwemeere ubuli mukolwa mu rukundo. 7 mwalikizi tibita bwija: nyandi uka muyimangika, ana mubuuza muta ki simbahe ukuli? 8 yukwo kushimirizibwa kuta lyosiri imwa ngisi uka mu berangira. 9 Ihisama hinini hiri muhamya irobe. 10 nimugweti mwo yugwo mwo yugwo mulanaliro, mukati ka nahano,kwo mutaali salire kundi kundi. Haliko umundu uwali muhalalire, kwakaba kwoshi, yega hanwa. 11 Kuluhande lwani, bene witu, iri nanga shubi yigiriza higulu lyo'ku tenga, kituma kiki niribuzibwe? amalibu ge'kibaambo kera gaka yibagirwa! 12 Ka bikwiriri balya boshi abali mu mumu halalira bahandulwe! 13 Benewitu, muka berengirwa higulu lyo'ku shwekulwa naho, haliko yukwo ku shwekulwa kutatume muga tangira uku yigwata ngisi kwa'magala ga deta; haliko mukizi tabalana mwenene n'a mwenene. 14 Ibenge, imaaja zoshi zihulusiri mwi'gambo liguma iri desiri: Ukizi kunda umutulani wawe ngagisi kwo uyu kuziri wenene. 15 Haliko iri mwanga kizi lyana mwenene n'a mwenene, mulalire, mutakengere mwa yitana mwenene n'a mwenene. 16 Kuyukwo namubwira: mukizi rongorwa no'muka, mutaga hikiriza inyifwijoza'magala, 17 Ibenge, amagala gagweti inyifwijo izi hushini nenyifwijo zo'mutima, no'mutima nagwo kwakundi, gugweti inyifwijo izi hushini neza'magala; byombi bihushini, kugira kwo mutagire ibyo muyifwijiri. 18 Iri mwangaba murongwirwi no'muka, mutanga bera mwidako lye'maaja. 19 Halikogo, imikolezi yamagala yaboneka bweranyange ; nayo hali, ubushule, ukubula ubwerisibwa, ukuta kundana, 20 ukuyikumba Imigisi, ama lere, uku shombana, imilongwe; ubulyalya, ubulire, uku handulana, amigirizo gembuga, 21 Ubwifwije, ubulalwe, ukuziga ibyokulya, nebindi ibishushini nayibyo. Natagira uku mubwira, ngakwo ndamali mubwira, kwo gisi uli mukola yibyo byaha ataga hyana ubwami bwa Rurema. 22 Haliko ibitumbwe byo'mutima luli Rukundo, ubusime, umutula, kugoyera, umutima mwiija, ubwemezi, ubwija, 23 ubutudu, ukuta shavura; yibyo byoshi,imaaja zita bilahiri. 24 abandu Yesu kirisito kera baka baamba amagala ne'nyifwijo zago zoshi. 25 Iri twanga ramba no'muka, tuna yigwata ngisi kwo muka gudesiri. 26 tutana yilogeze ubwidundulike, muku halalirana twenene na twenene, tutana kizi salirirana twenene na twenene.