KIGAAJO KYA KANA(4)

1 Kiziga, ikyanya kyoshi umuhyana akiriri mwana, namubwira kwondalo lubibi natation kage no'muja, kiryangiba mwimangizi wangisi kindu; 2 saliko amugirirwa ngisi kindu no'kuyimangwirwa na'bandi bandu halindo'kuhisa ikinyerere daata akategula. 3 N'a nyitu, mubwobwo buliyo, ikyanya twaliririr baana, twali baja ba benge bamukihugo; 4 saliko, ikyanya ibinyerere bika yegerera, Rurema akashungika umwaana wage, ulyamwaana ukabutwa no'mukazi , kumaaja za Rurema, 5 kugira kwakagulule balya abalishwesirwi ne'maaja, kugira kwotulonge ubuhyaane. 6 Na Kwokwo muliri baana bage, Rurema akashungika umuka gwo'mwana wage mu mitima yitu, ugumudeta kwi'zu lihamu: Abba! Daata! 7 kwokuno utakiri Muja, haliko mwana; na liwangiba uli mwaana, uliri nawe muhyana kulikiri lwa Rurema. 8 . Yaho kera, mukutamenya Rurema, mwalikizi kolera Imigisi ataliriri Rurema wokuli; 9 saliko, kubuno bwokera mwamenya Rurema, kandi ribwokera mukalemwa na Rurema, kutikomwangashubi hindukira yaba bazira misi na'bakeni babeshi, bomulozizi kwomushubiri kolera kandi? 10 Mulolekeze isiku, imyeezi, ibyanya ne'myaaka! 11 Niyobohiri ukuba ngabakolera kukimama. 12 Munjushe, mukuba niyehe niyehe nibashushiri nani. E benewitu, na muyinginga. Mutakambubira kiri'riguma. 13 Muyiji kwo irihigulu lyo'bulma bwamagala iringababwira imyazi mija ubwambere. 14 N'a nana gezibwa na'magala, mutakandetera ubumasi bubi kiryu'kungayiriza kiryu'kundúhà; saliko mukagira nga'muganda wa Rurema, nga Yesu-Kirisito. 15 Hayigi ho'busime bwinyu buliri? Mukuba nabalolekeza kwo, bikibe yibyo bishubi shobokini, mwalimugayisaza amasu munagambereze. 16 kanabera mugoma winyu mukubabwira ukuli? 17 Urukundo bagweti bagabayereka lutali lwija, haliko balozizi ukubahandula kutwehe, halinde kwomube bandu babo. 18 Buli bwija ukuba no'rukundo lwe'bindu bija nakungisi kyanya, saliko mutakizi yerekana Urukundo naho ikinya mumbwini hakati kinyu. 19 Ebaana bani, bonimuyuvwira kandi ubulyanire bwo'kubutwa, kuhikira ikyanya Kirisito agaba mumitima yinyu, 20 Njubilozizi kwonibere hofi rinyu, nokuhindula ubulyo bwokuganula, mukuba niyobohiri kwomuliri. 21 Mbwiragi, mwemwakizi loza ukuramba mu'buja bwe'maaja, kamutamuyuvwa' imaaja? 22 Mukuba biyandisirwi kwo' Iburahimu akabuta abaana babiri bo'butabana, muguma wo'mukazi wo'mujaa, no'gundi wo'mukazi mushwekulwa. 23 Saliko ulyamwaana ukabutwa nolya mukawi wo'muja akabutwa kukulikirana na'magala, saliko ulya ukabutwa no'mukazi mushwekulwa akabutwa mundagano yo'kuli. 24 Gano magambo gatasobakirinwi, mukuba bano bakazi bombi byali bihango bibiri. Muguma Ali hulusiri kumugazi gwe Sinayi, anabuta higulu lyobulamu, Ali Hagari 25 Mukuba Hagari, idesiri Sinayi muki Harabu, na bihumanini na Yerusalemu ya zene , iriri mubulamu na'bana bayo. 26 Saliko Yerusalemu ya mwigulu irinjwekule, ye nyaama; 27 Biyandisirwi kwo: Ushambale, wetamubuta! Usheke unakome na'kabuli, wetekelyanirwa no'kubuta! Mukuba abaana bo'mukazi ukajandwa bagaba bingi ukukinga balya bo'mukazi ukayangwa. 28 Imwinyu, bene witu, nga Isaka muliri baana be'ndagano; 29 Na kwokulya kwolya mwana ukabutwa mumagala akalibuza ulya ukabutwa mu muka, Na kwokwo kwobinali buno. 30 Saliko kuti kwemyandiko idesiri? uyimule oyo mukazi wo'muja no'mwaana wage, mukuba uyumwaana wo'muja ataye hyane kuguma noyu mwaana wo'mukazi mushekulwa. 31 Kyokitumiri, bene witu, tutali baana bo'mukazi wo'muja, saliko tuliriinwi baana bo'mukazi mushwekulwa.