1 E bene witu, iri'umundu anga gwatwa ali mukola amabi, mwemuli no muka mweru, mumu tabaale no'mutima gwo'butudu. Ulalire nanawe utakengere uga yiji gezibwa. 2 mukizi tabalana mwenene na mwenene; Kwokwo kwo muga hikiriza imaaja sa kiriito 3 iri hangagira uga salirira kwo halikwa'kola, ndanakwo aziba, alimubera ayi hubira yenene. 4 Ngisi mundu alolekeze imikolwa yage, akabuli longa ibyo aga yivuga kwo yehe yenene, aga yivuge kubyabeene; 5 ibenge ngisi mundu aga betula umutekerwa gwage yenene. 6 Ngisi uli muyigirizibwa igambo, aheze umwigiriza wage kubyo agweti. 7 Muta hendwe: Rurema atali mushekerezibwa, ngisi mundu aga yimbula ibyo aka byala. 8 Uli mubyala ku magala gage, aga yimbula ku magala ikitulire; haliko ngisi uli mubyala ku muka, aga yimbula ku muka uburambe bwe'myakula. 9 Tuta luhe uku kola amiija, ibenge tuga yimbula kukyanya ukikwiiri iri tutanga janda. 10 kuyukwo; kukyanya tuki shobwiri, tukolere abandu booshi amija, ingingwe imwa'bakundwa mukati ko'bwemere. 11 Mulole ubuhamu bwe'byo namuyandikira no'kuboko kwani niehe nienene. 12 Balya boshi abali muloza uku yisimisa kubwa'magala bali mutuma muga yitengula naho,kugira kwo muta yemera uku libulire ikibambo kya Kirisito. 13 ibenge, abatengulwe bohe bonene, batali musimbaha imaaja; bali musima kwo ninyu mutengelwe kugira kwo bashambalire mu magala ginyu. 14 kubindiziri, ndali muloza uku yi dundulika mubindi ibitaloziri ikibambo kya nahamwiitu Yesu Kirisito, kulengera yehe ikihugo Kika bambwa higulu lyani, ngagisi kwo nani niri kukihugo! 15 mukuba ndakyo kindu uku tengelwa no'kuta tengulwa, ibishobwiri, kulikubera kiremwa kihyahya. 16 Umtula no'buhirwa bibe imwa'balya abaga kulikira iyi migeeza, naku Iziraheri ya Rurerema! 17 Hatakigire mundu uga ndibuza, ibenge niyambiti akamangu ka Yesu; 18 Bakundwa, ulukogo lwanahamwitu Yesu kirisito lube ne'mitima yinyu! Amina!