1 Yaho keera, mwali koli fwîri mu'mahube ginyu, na mu byaha biinyu, 2 Mwali ki tuuziri mumabi ge'kihugo mwanakizi simbaha shetaani, ulya mukulu mubi utwaziri mu'kyanyanya, 3 Na tweshi kwakundi, twaliriri u'luhande lwabo, na twali rambiri ukukulikirana no'bwifwije bwa'magala gitu, mukukola ubulooze bwa'magala na'bwe'nzaliro ziitu, twanaliriiri ne'noka abana bo'bute, nga'bandi... 4 Haliko Rurema, uli mugala mulukogo, kukulikirana no'rukundo luhamu akatukunda, 5 Twe'tukafwa ku'mabi giitu, anatuha umuuka kulengera Kirisito (Kulengera ulukogo ukakizibwa) ; 6 Akatuzuula kuguma, anatubwataza kuguma mu'byanyanya, mukati ka kirisito, 7 Higulu lyo'kuyerekana mu'siku izigayiija ubugale ubutamala bwo'lukogo lwage ku'bwija imwitu mukati ka kirisito. 8 Mukuba u'kulengera u'lukogo mukakizibwa, kulengera u'bwemeere. Na yiryo litamushaga imwinyu, kiriri kigabi ukulyoka imwa'rurema. 9 Itala kulengera imikolwa, gira hatagire muundu ugamuyivuga, 10 Mukuba tuliiri mukolwa gwa'maboko gaage, ugukabumbwa mukati ka yesu kirisito ku mikolwa miija, yo'Rurema akashungika imbere, gira tukizi gikola. 11 Mwehe mwe mutali bayahudi, mu kengerage kwa'bayahudi bâli kizi mushembuula kwo mutali batenguule, mbu nabohe, bo batenguule, kundu kwokwo, yukwo kutengulwa, kuli mugirwa naaho na'magala. 12 Mukengeerage kwo yaho keera mwalikizi handwirwi na ku bandu ba Rurema, Abahisiraheeri, boohe, bo Rurema akabiika kwe'bihango. ana libiika kwe'mihango. Halikogo mwehe, ndaayo ngoome yo mwali gweti mukati kaabyo. si mwali tuuziri mukino kihugo buzira Rurema, na buzira mulangaliro. 13 Haliko kubuno, Mmukati ka kirisito, mwehe mwe'malimali tereka, mwana yakirwa ku'muko gwa Kirisito. 14 Mukuba aliri mutula gwitu, yehe ku, bibiri akabigira kiguma, ye'kanahindula ibibambaazi byo'kutugaba. 15 Imaaja za'bayahudi zaliriri ne'migeza mingi, haliko, kirisito anagimala yoshi, kwokwo lya'bayahuidi na'bandu be'gindi milala bana longaga ukuba bandu ba mulala muguma mukati kaage, halinde bakizi ba no'mutuula mukati kaabo, 16 Kirisito, ikyanya akayitirwa kukibambo, lyo akanywaniisa abayahudi kuguma na Rurema. Ho nahano, aka'nywaniisa kiri na'bandu be'gindi milala yoshi kwakundi, anashaaza ubushombani mukati kaabo, halinde banaba bo baguma. 17 Kirisito akayiji menyeesania imyazi miija kwa'bayahudi bangalonga u'mutuula, bwo bâli riiri hoofi na Rurema, kiri na'bandu be'gindi milala, nabo bangagilonga, kundu bâli ki riiri hala, 18 Mukuba tweshi, kuli ku yeyo njira ya kirisito, kwo'tuli mulongaga ukuyija imwa Daata mukati ko'mutima mweru muguma. Ku'yukwo, mwe'mutali bayahudi, Rurema atakiri mu muharuura kwo'muli binyamahanga, si mukoliba mu bandu baage, munakola ba mu'mbaga yage! 20 Munakoli ba nga luubako uluyubasirwi ku lutaliro lwe'ndumwa na'baleevi. Na Yesu kirisito yenyene, yi'buye lyo'kukania akagongo kaalwo. 21 Mukati kaage, mwo'luubako lwoshi lukoli nanirini bwija, halinde inakolaga nyumba yage ndaluule. 22 Kwokwo, mwe'mutali Bayahudi mukoligweti mugayubakwa mukati ka Yesu. Lyo niinyu muba kwi'yo nyumba ya Rurema, kuguma na'bayahudi, halinde amutuule mwo ku'njira yo'mutima mweru.