1 Pahulu, ndumwa ya yesu Kirisito ku bulooze bwa Rurema, ku beerusibwa abaliiri i hefeso na kuba bemeezi mukati ka kirisito. 2 Ulukogo no'mutuula mubihaabwe kuluhande lwa Rurema Daata witu na Lukiza Yesu Kirisito. 3 Ayagirwe Rurema, Daata wa nahamwitu Yesu Kirisito, uka tugashanira mu bulyo bwoshi bwe'migashaani yo'muuka mu byanya byahigulu bya Kirisito. 4 Mukati kaage Rurema akatutoola imbere lyo'kubumbwa kwe'kihugo, gira tuube berusibwa na'bazira kashembo imbere lyage, 5 Mukututoola mukati ko'rukundo lwage, ukubeera bana baage bahyane na Yesu Kirisito, kukulikirana no'bwija bwa'malega go'bulooze bwage. 6 Kukuyivuga ku bushobozi bwo'lukogo akatuhereza mu mukundwa. 7 Muheye tugweti ubuguluule ku'muko gwage, ukukogwa kwe'byaha, ku bugale bwo'lukogo lwage. 8 Rurema akayeneza ku'bwingi higulu litu ku'bulyobwoshi bwo'bwitonde no'bwenge, 9 Mukutumenyeesa ibanga lyo'bulooze bwage kukulikirana ubwija bwo'bulooze akabiika mukati kaage. 10 Ukubikoleesa mukyanya, ikyanya ki ga koleka, kukumania i'bindu byoshi mu kirisito, ibiri mwigulu ne'biri kukihugo. 11 Mukatikaage tukolibeera bahyane, ukubeera batolwa ukukulikira umutwa ngisi hindu ukukulikirana no'buhanuuzi bwo'bulooze bwage. 12 Kugirira kwo'tukolere u'bwivuge bwo'bulangashane, twehe twe'mbere tuka langalira mu kirisito, 13 Muyehe nanawe, hanyuma lyo'kuyuvwa i'gambo lyo'kuli, mukati kaage mukayemeera mwanaba kamangu ko'mutima mweru uguka lagaania. 14 Nyihi yo ndaganio yo'buhyane, ku buguluule ya'borurema akalonga, ku'bwivuge bwo'bulangashane bwage. 15 Kyo'kitumiri naani, hanyuma lyo'kuyvwa bamuganuula higulu lyo'bwemeere bwinyu mukati ka lukiza yesu no'rukundo ku'beruusibwa boshi. 16 Ndamuleka ukutanga kongwa higulu linyu, mukubayerekani mu'kati ka'mahuuno gaani. 17 Gira Rurema wa nahamwitu Yesu kirisito yishe wo'bulangashane, amuhereze umuuka, gwo'bwitoonzi no'bwigule, mu'bumenyi bwage. 18 Na'kuyigule amasu go'mutima gira mumenye kwaliiri mulangaliro uguli kamaangu ku'mberangiro yage. bugale buki bwo'bulangashane a bikiiri aberusibwa mubuhyane. 19 Na biki ibituyerekiiri twe'bemeezi bo'buhamu, bwe'misi itahiiti mwisho, i'mubonekana no'bukomu bwo'kuli kwe'misi yaage. 20 Akabiika mukati ka kirisito, muku muzuula mu'bafwiri na'mukumubwatawa ikulyo kwage mu'byanyanya. 21 Higulu lya'batwali booshi, bana bushobozi booshi, kuguma na ngiisi banalushagwa ba'mukino kyanya, kandi ri ba mukyanya i'kyaye yiije. 22 Akabiika byooshi mukati ka kirisito halinde lyo kirisito abe yi'twe lya byooshi higulu li shengero. 23 Mukuba, ishengero go magala gaage, kirisito yenyene alituuwiri mwo anali kwizirimwo, ahakwiziri lwoshi.