Gbutu 3

1 Asungia, badhami, bodjeme aina Mokonga. Anga yongo nd'imoti nde inda ne loa naandekea laanu, na inde nde yonga l'elamolo angaanu. 2 Bokengemane anga bamboali, bokenge mane anga bakoli n'kasi badjede, bokengemane anga ban'kuu ganja. 3 Anga ban'kuu ganja, nde besu, besu nde bem'bhebha Mokonga asuba meea ndaabhu, mibe bem'bhebha a ina Yeso Klisto, na begesaiye meema asu a n'keke. 4 Naeme, m'pa, n'eba na n'kasia gesa la ma ako'ami a n'keke. Na aye n'to bolebe angalebea gesa la maakoaae a nkeke, anga ne toa kpee go. 5 Eme, m'be neomi ganja elie la lalo, mia Isilaeli, asub'endua Benyamini, nia Heblania m'boteana nde maa Heblania, asuba toliinda ba Falisayo. 6 Asuba mohuo, n'tesi nde ma kanisa, imbe atonganani, asuba domi la toli-li. 7 Ema-li bhulibhu inde ai'amo bongela, ainelenga sinda inde ai amo bongela, ainelenga sinda inde Helisa, anga Klisto. 8 Naago nema emali bhulibhu nde bia inde hhelisa, anga boti-la inde neani a ubha la Yeso Klisto mokama nde mamo, imbe bamotangeli budjede-li bhulibhu angaae, abaneonekana bia dhodo, anga ne mone Yeso. 9 na aanga ne ngie angaae amakanga domi inde neubha, inde atoa asuba toli, che asuba domi inde aoneana anga lebea la Klisto domi nda Mokonga inde abhia asuba lebea. 10 Anga ubha la Klisto, n'ekanda la djudhua-l'asuba kukua, na elilia-la suba bonobo, na tolela asuba kukua laae, anga bekidie, 11 naaye ne toi a ndambia djudjua la na leengu'a baku. 12 Ndaga nde bende ne singa ni, na bende ne kidia tonga nana; m'pa ne telea nde dhungi, anga n'eme Yeso Klisto amodhungili! 13 Badhami, inda neakidhungila-li, nekoli goe nde ema'imiti: a bosela-la inda mbusa na neet'ila saka inda mosa. 14 Ne tatela nde sungia, anga ne kidike n'kogo'a na kobha inda Mokonga asuba Yeso Klisto. 15 Besu bobhu betonganani, bebe na maako n'dimoti-ndo, naye bona maako atoa, Mokonga anobhuma nisila-yu. 16 A sakela-li, akil'amo bekidili betambe angambi imoti. 17 Bebe bakengeligi besubhu, badhami, na balengelele bande balambela mongili ndaasu. 18 Anga awelibatii bande batambela asuba bonongo-la mosalaba inda Klisto, akineenongodea, na neenongodea-go na negama. 19 Sugia laabo nde boheli; n'konga nde mabo ande soaabo, batukumisa nde inde aeonisa soni, baakka'ande ema nda na dodooni. 20 Che besu boma indaasu nde na kobha, naande bam'bondeligi Mokama Yeso Klisto namisi nde masu, 21 imbe auma tiia ngobho'abokikisa inde beneende, a ngobho'a boumu n'daae, a tesela l'ekanda inde'a nee inda detela-la emali bhulibhu.