1 Abe nabe mbenabeaga bolebe anga Klisto, abe nabe yombia balebe asuba ekondi, abe nabe meema imoti, abe nabe lilia bolebe na lokoo bolebe, 2 Bokanyise budjeme nemo, ejala na mahamoti, ekondi moti, meema moti maako moti. 3 Bokole memo ema asuba meema akatana ao aebhebho adjede, che bowede li ano kidise ndambi a lengala bande batoo sinda bantataanu. 4 Kela motu angaanu alenge bonja la badhae kanga lengelala ime ndae uyemeene. 5 Bobe asubani na meema nda ayi asuba Yeso Klisto. 6 inde ayi sinda Mokonga, inda aya lengi djalabia Mokonga ande ema nde atoleli maneali. 7 Che aya aekikisi iyemeene, abaaedjisa bia mbbedi mobili, aba beisa ngobho aamto, naa goo hangia bia nto mede. 8 Aba aekikisa iye meene, aba aenohia kida la kua, na kua la mosalaba-li. 9 Na aangise Mokonga aya meisi weguu kpee, na aya moi ina nde antanta ima-li bhuu, 10 Ngaa aina Yesu moakuu-li bhuu abe adodo na komba na dodo na suba dodo-li, 11 na elu-li bhuu ayongete Yesu Kristo ande Mokama a ebhebho a Mokonga Ebha. 12 Im'pa babhabonja, sina batolaga bo sikisa, bokolele kalamo ndaanu ankindi n'ebobo na tetemana, makanga ndambi nde nena benu, che go kpee ndanubi inda nena benu; 13 Ngaa Mokonga Yeso adhusa angaanu muhua na kola, sinda adjemisa nee. 14 Bokole emali bhuu kanga boo hamaga nangee boo sungisaga, 15 ngaa bobe kanga ekalio a meemea eboti moti inde akombi, angalainde bo lola sinda bobhu asuba leengo, 16 Kumbala yonga la ngebe; na neinga nee bhebhela a elie nda Klisto bia inde ndaga ne loeli bosa na bheda la mobili abosa. 17 Nangee ama nekolela ibo a boembo na mobili alebea ndaanu, nedjemela, na nedjema na benu bobhu. 18 Nabenu, bo djeme na bodjeme ankindi na eme. 19 Nena maha anga Mokama Yesu teala humandiani eliiende abhia, Timoteo nga nebe na muhuo aokala dhinde nano lengeleli. 20 Ngaa inda nena n'to iyani imbe amo tabeba, imbe ibhisa ameema dami mbinoanu; 21 Bobhu nipa bakabaga nde budjeme ndaabo ibo baameene, che makanga inda Yesu Klisto. 22 Boubha biande ayi bankengei, boo hahola mobilia mbino nda anja ankindi neme, sinda mii na abhae. 23 Neakate amuma neteaumai angaanu nauma neubhi sinda neiki nee; 24 na neubha hele anga Mokama biande emeameene nebhia sesene. 25 Neti nelengi te atoteli neteo angaanu dhami Epafula amobili nde mamo na bibia neme, imbeya kumbi nkebea namo toala angaanu. 26 Ngaa atuma na elungu aonala dha benu bobhu, na ayi akali ngama ayi booki mbino a djegalae. 27 Ayi adjegi, na sua kua; che Mokoma aya nilii, na ndagaande uyimene, che go memme, ngaa nebai na bulie antata bulie. 28 Atuma m'pa mentei nekanda ngaa bodjeme onala dhaye, na ngaa neme mekikise bulie namo. 29 Bon'sesee m'pa asuba Mokama na budjeme-li bhuu na boo sikise bato sinda bando. 30 Ngaa tuma suabe akulie mobili nda Klisto, aya haholi ngebeae atabelala mobilinde tuma bomotolela.