Gbutu 4

1 Na angeelindo, bandami, na babhabanja nde bamo, benu iyeu nde budjeme ndamo, na mbidha ndamo, bome na meema imoti asuba Mokama, babhabonja. 2 Nehani Euodia na nehani sentike na bame naabo andebo asuba Mokama. 3 Nowe niye, Imbe ndaetiaga ganjalani, abebo, neomemi atabela, la bake, ndo bande baibamani ankindi neme, angaa mbino anja an'kindi bana Kelementina, na bakoli mobili motineme, bande inabo asubba (Iketabo) angebeli. 4 Bondeme asuba Mokama, Nesiligo yongala te, bodjeme. 5 Na bowede ndanu na ubhianane na bato li bobhu. Mokama aye bhi. 6 Boo-nobisai aemalibhuu, che aema libhuu bohangiane bungundanu anga Mokonga ae memi na Bonakelaga, ankindi na sima lae. 7 Na bo djedje nda Mokonga, Inde akedeti maakoli bhuu, amalanga meema nu na . 8 Atigilagali, badhami, emalibhuni inda hele, emali bhuu inda bosike, emalibhuu inda domi, inda abhu bhuu, bhuu inda ebhebho adja, emabhuu inde balei, inde aiki asuba bodja na atoleli ebhebho. 9 Yonga aibogali, inde oyobobeisi na boo angami, noyobooni angami, nabokolise na Mokonga la bodjedje amanabenu. 10 Ainedjemi kpee asuba Mokonga angaa botoi bhumisa la maako lanu angaami, boaki hele, che ndambili aibo boli. 11 Na gande-te neyongi bende amanena bungu, ngaa ainegoli djemala ndambi bhuu inde amodhondi. 12 Neubha lenda asuba kaemolo, na neubha lenda asuba adjala na lua, aema libhuu na mpuolibhuu ainego-li kuta na chalanja. 13 Ne toisi bhuu angambe amopi ekanda. 14 Nengeli ndo oibokoli helle dhadea la neme monobo ndamo. 15 Nabenu bamene boobha, benu Bafilipi, akengetisa la Tomia la yonga ndanja, ndambinde aya netoi naa Makedonia, ndaga yabe Boyoni agboo aya ba dhadei an'kindi neme ambino egabho na beisa; 16 Bemi nganga bokoli inde, angaa boi bo ntei Tesalonika, nkoba ibale, angaa amo tabela a bungu ndamo. 17 Dhagandete nekabaga lua, che nekabaga nde maya nde ayadji ati ampimbo ndanu. 18 Nena bhuu, na nena ati kpee; netumi si hele, aya nebeisi anga Epafladito ema nde ayatoi, anganu sinda suanja, boembo nde Mokonga alebea, na Inde adjemela. 19 Na anga Mokonga nde mamo amano tumisa abungu ndanu bhuu sinda nde ateine, an'kinde boti, anga Yeso Klisto. 20 Anga mOkonga na Ebha abe ebhoe bho meyo na meyo! Abebo! 21 Salamu abhobhu bande babhu anga Yeso Klisto. Babhami bande nenaabo ankindi bayote salamu anu. 22 Bande babhu bobhu bayongi te salamu anu na kpee mbea bande ba nendua Kaisali. 23 Na lokoo inda Mokama li Yeso KListo aike ankindi na meema nu.