Ghutu

1 Abe mai bodjudjui ankindi na Klisto, bokabege emaa nda nigoo, mpua nde Klisto aiki be a njaga nda kpee nda Mokonga. 2 Bobhise maako lanu a ema nda nigoo, Amakanga a ema nde aiki na dodo. 3 Ngaa boi boku nde, na ngebe ai aeso mani ankindi na Klisto asuba Mokonga. 4 Mbeno nde Klisto, ngebe asu, amaehangiana mpa nouma boohangiana naaye a Buumu ndae. 5 Na ngaa indo boole nongonongo nde iaki na dodo, bicholocholo, bosebose nda djede, maako nda djede, ehogbu adjede, ndonde sikisa la baketi. 6 Nande ngaa ema nde bhu busubani nda Mokonga abhia anga bani nde bande badjidji, 7 Kala boi botambela nde asuba ndo bhulibhu, ngaama boi nde bato a budjede. 8 M'pa mbeno nde, bodhuse yonga nde bhu anganu: busubani, bodjoki, bicholocholo, ehotani, na yonga nde abhisa soni. 9 Bongodeana i mbea ngaama bondusi anganu n'te nde makalaa na mobili ndae, 10 Na bonoli kala n'to mabhu, imbe aedjisa mabhu esa libhu, asuba ubha, sind'elimelime ambe ai antelekisi aikinee. 11 Ani ndaga gobe Moyanani na Muyoda, ngu-ganja na'ambe ndaga ngu-ganja, ntambi na ngee mia-leengo, mokobe naambe ndaga mokole che Klisto ande bhu, na asuba bhulibhu. 12 Na ngaa indo, benu nde Mokonga ayanosoboli babhu na babha bonja, bobe na Meema ngomi. 13 Botabelane benu na badhanu, na abe nabemoti anganu imbe anayonga na dhae, boyongelane kungwananu (benu tonde benu). Sinda Klisto ai aanuyo ngele, boyongelane kungwananu. 14 Na antata ndo bulibhu babe nekondani inde ande ngoli nde aasatigisana a tonganana. 15 Na mbolele nda Klisto, ngaama indo yeu ai aanokogei bobe ngobo imoti, aike asuba Meema nu. Bobe basimi ( bande basima). 16 Yonga nda Mokonga abe ati asuba Meema nu a abonja, na bihangeliana na bohanana bande na bandoe na bobheba na bolemba na ingimaga (totoma) na bonembea Mokonga asuba Meema nu a lokowa asuba meema nu. 17 Na ema nde bokola a yonga naa mobili, bokole bhu a ina Mokama Yeso, na bonsima Mokonga angae. 18 Bake, boohohie a nga bbamunga nu, sinde atoleli asuba mukama. 19 Baboo, bookonde bake banu, bobai bosunulaga anga bo. 20 Bani, boosikise baboti anu a ema libhu, ngaa mando aanja anga Mukama. 21 Baboti boobhomai baananu, baloai na benu asuba meema bo. 22 Bakobe, bosikise a ema libhu baamenanu a ngobo, abai bokobe la iso angaa bookondise bato, che na meema moti na bon'ebobo qngq Mukama. 23 Bhulibhu ndebokola, bokole ndo na meema anja, sinda nde bonkolela Mukama, amakanga sinda kolela la bato. 24 Na boubha bote Mukama auma aanohemba moando a mantoleo. Bonkolele Klisto, Mukama-li. 25 Ngaa ma mbe akota inde ndaga atonganani auma banhemba inde akombi, ndaga be gamea neede.