1 A nga, ainde ne kaba n'te boubhe ekanda namo a emani mali nde neeno meeli bonu, na anga bande baiki naa Laodikia, na anga batoli bobhu bande inda-tu baoni adhiso ami a ngobho. 2 Anga babe na Meema nda tumi na mbembeaga, angaa babe bimoti a suba ekondi, na djala na maako ati nde a kokomani a ubha la egumba nda Mokonga, ubha la KListo. 3 Asuba egumba nde asomeani au mpimbo la bongengele na egoli. 4 Ne yongi-indo anga rito aano dhema-i a yonga nde a no bungisa. 5 Ngaa, na nda nena benu m'a ngobho, ne ande na benu m'a Meema, na nelenga na ngoo toli aanja inde aameeme anu, na ekokeli a meema anu asuba Klisto. 6 Ainde m'pa, biande boye kola na Mokama Yeso asubaanu, botambe asubaae. 7 Djala na miigi na lasa langae, na meta a suba lebea ta mbusa a mahano nde ai banopi, na kanyisa la biembo a sima. 8 Bolenge hele n'to aono dhema-i a djisa l'anu bakobe nde baae a maako ndaae na asuba mbea, n'aye ba baemea nkanindabato, na ayongera nda na dodooni, inde inda asuba Klisto. 9 Ngaa asubaae yeu aiki emali bhu nda ngobho. 10 Bona bhu n'ongoae kangana soneana, iye wande moame l'ebhoni libhu na ehomilibhu. 11 Na aande n'ongoae yeu amande banogusiliganja nde-nda babhesi na djaga nto, agoe nde ganja nda Klisto, inde ande tusa la ngobho asuba nyama. 12 Inde ai basohumbi naaye a ndiisa la subiibo, na benu bodjudjui asubae naaye anikindi, a meema nda suba ekanda la Mokonga, imbe aya djudjusi angalabaku. 13 Benu nde aiboku a bodjede baanu na oyongala kangana gua la ganja a ngobho aanu, aano djudjusi mande na iye an'kindi, na djisa laasu babhu a bodjede ndaasu ngaa lokoo ndae; 14 Aya dongu mdondo a balokwate nde ai baso soa nee inde ayaso tiadeli, na aya bgoligi-inde esua nde ba nkokeligi nee a musalabal-li. 15 Aya kodigi ebhonili na ekanda na aboya hemola ansenge na deteali an'tata mosalabali. 16 In'to aolengai adjede ayonga la elea ange nda noo, ange ayonga la elie la budjeme, elie la mbondi ange nda yombia li (sabato). 17 Ainde elinelime a ema nde ama bhia, che ngobholi ande asuba Klisto. 18 Abaibe n'to moti, imbe aikibia mauede na abobolio ndaba mongese, anoutai sinde nd'akondi nee boembo a mbangonde, im'pa aba etusa a maako ndaae n'aekakata bosa a maako a ngobho ae. 19 Kangana d'ungano na mooli, inde ngobho libhu atabelani na adhungani na nongono ngo na ba n'sisa, amota nde ngaa inde Mokonga agabha. 20 Abe na boku an'kindi na Klisto a bosebose nda na dodo oni, ngaa emasina, sinde boiboiki ne na dodo oni, naano sosia inde akondi. 21 K'onoe meno! k'odilie mena! k'obhe dee meno! 22 Yonga nde bhuu inde akombi nde, naande atoeli maako na an'kani nda batoli? 23 Bana, adomili, inde akengi bangengele, inde ahangiana kondala sulia, bowede, na bhona la ngobho, che inda batoleli n'eede na batabela nde djemisa la ngobho.