Gbutu 4

1 Bagolisi, boomoe bakobe nde banu inde aesinganisa na inde batoleli, na boubha sinde bona Moame na kobha. 2 Bokokele malombi, na bokole bona bosima. 3 Bozolombele, angaa Mokonga aso ukulie ahe la yonga ndae, anga ne tomia yonga nda Klisto, angili ndo ne asuba ngoli. 4 Na hangianalae sinde neanga nyonga ne. 5 Booteeke anga bande bana sengge, na bombhe dhambi sina. 6 Yonga ndanu abheu lokogho, ne nkua, angaa boubhe sinde anga bosinsila "kila" nto. 7 Tikiko dhasu manja na tetea manja, tambeli nde mamoo a mobili nda Mokama, auma aanotomila mbino ami. Ne tei ambembete na nengo nu, angaa boubhe sinde beiki ne oni, na anga asikise meema nu. 9 Ne tei bana Onesime, teta na dhasu manja, imbe ande dhanu. Ande anotamila mbino aus bhuu inde benee oni. 10 Alistalake, dhami impe benaye angoli ndhasu, ano sesei, na Maleko dhae no balanaba, angae ai banopitoli (naye akidi na nengo nu, bosesee); 11 Yeso, imbe bakoga mbo Jusutusu, ano sesei niye. Ande adha bbande baguganja na ibo baamene ai bakoli mobili na eme akindi a mobili eboame nda Mokonga, na imbe ai aiki angami lilia. 12 Epafula, imbe andi manu, ano sesei: tetea nde ma Yeso Klisto, indo dolei manea la nu asuba malombi ndae, angaa, sinde botonganani ne sinde boubha ne, bo bubilii asubu boogegisa a inde adjemisa Mokonga. 13 Angaa ne nebei sinde anokondi aekondi na bande Balaodikiya na bande ba Hilapolis. 14 Luka, Monganga dhasu manja, anosesei, na Damas. 15 Boosesee badhusu bbande baiki Laodikia na bande ba Nymphas, na kanisa nde anji ae. 16 Mbeno nde nsao (loba) auma basoma ne na njianu, bosomele go balua nde a kanisa nda Baloadikia, na benu bosome uma nsao la mbe amatoa Laodikia. 17 Na bongodee Alisipe: olenge hele mobili nde anee asuba Mokama, anga akole mobili nde hele. 18 Neono sesei, eme Paulo, na njagami eme nganga. Boboselei ngoli nde neau. Lokogho abe na benu.