1 Ano Sipiritu bè Yezu to egó, bā gbongwa lē engi. 2 Sidinga ó kini de ó biti bukpa bukpa balá nazò e dé, gomo eya mele engi. 3 Moró malè, eno ede ngi, efá fengi : té mode Enga Emè, de modji ó teme no, de akoto ezó. 4 Yezu eya du : a etè té e : pkara kowoga be d'ezó dé, tabho de lí nde ekokoto go mò Emè. 5 Gbongwa ebé engu gó selē gbatá, fé ngbè koté, 6 té efá fengi : Té mode Enga Emè, gbotemo ekitó, a etè té e bā : engi ya kpamà ó anzelu kaye tongó kamo; oyà bé de ó kpa wó, de tsoró bā lé mo doto temè. 7 Yezu du fengi bā : a etè té e tokanà : mo lègà dé Ngámá kamo : Emè. 8 Gbongwa ebé engu tokana fé ngbè tà, esuda féngi ó gongámá ndè nató de mabēbē ka wó, 9 Té efá fengi bā : matōgà fe mo ò é no ndè, té mo gbakpa go lé má, té mo bēbē ngo kámá. 10 Yezu edu fengi : zatémō térá, gbongwa! A etè té e : mobègà be Ngámá, Emè kamo, de momele ga no engi fàfà. 11 Tano gbongwa eya tsè engi. Sidinganá, ó anzelu ònó ede engi, ongbó mele kitimá féngi. 12 Yezu, nàdjē bā ó í Yoani, eyá néké go Galileya. 13 Engi tsè Nazareta, éngi néké nòngbò gó Kafaranauma, ede ngbèngù, gó tó ka Zabulona de Naftalí, 14 bā amele té e baká té efá profeta Isaya etè : 15 Ô kpara na Zabulona de ònó na Naftalí, ede ngbèngù,go koté eyíngú Yordani, de ònó na Galileya ka ó kpara na lidjadja, 16 Ô kpara nò, óngbó go mbili biti, ótsià mbā séké; de ònó óngbó go biti ná kpí, mbā séké énó fe wó. 17 Be go dhinga nò Yezu eyá tó nà tō ngali Emè, té engi fá : idji gumá idji, gongámá nà kpé tā molí. 18 Baká té engi ngbò dhókò ede ngbèngù nà Galileya, eyá tsià Simoni, té obhubhuka Petero, de Andreya, ndayi e, óngbó gbo fiyó go ngú; óngbó dini ó igbe sungú. 19 Efá de wó : ifata ngamá, té maya melè de hi ó igbe ô kpara. 20 Tano, ótsé o fiyó, té ófata mgangi. 21 Eyá néké mbayí egilanó, eyá tsià o ndayi bhochu, Yakobo, enga Zebedeyo, de Yoane, ndayi he, ongbo dini go zabo, de Zebedeyo, wo wó, ongbo leke o fiyó. 22 Eyá bhuka wó, tiane, oya tse zabo kawó, de wo wó, te ofatanga engi. 23 Yezu ngbo dhoko go Galileya, engbo sudha go o ngbe kote ka Emè, engbo to ngali Gongama, te engi ngbo kowo o moro ko de o moro mazè. 24 Ele engi eneke mbi go Sisiya, ta ongbo be fengi o moro ko de o no, kote wó ngbo kè, o moro gbongwa, te engu ngbo kowo wó. 25 O libi o kpara otanga engi, de Galileya, de Dekapole, de Yeruzalema, de Yudea, de eyi ngu Yorodani.