1 Go dhinga no kpara bili bã Yoani Batista, éngu ngbó tõ li Éme go gó na Yudaya. 2 Éngi ngbó fã: ódji téyi , Ano gó ngámá ná étukpé tá moli. 3 Yoani de kpara té Isaya, profeta, fãnani éngó kángu , go dhinga téngu ngbó fá té : á de ngáli kpara ngbó wánga gó égó : ileleke kadjé fé Eme, iseke kadjé kángu. 4 Yoani ngbó énani yó bóngó bili eleke téyé de kono, de kudu bili na kwira édji téyé élanga du ngu. Éngi ngbó náni zó ó kindóló de éwó na bélé. 5 ó kpara na Yerusalema, de óno na Yudaya de ó kpara nde na kóténo de nõ óngbó edele Yordani, ónéké édengu; 6 Té ótó na gbe ó sisiti óngó kawuó; ó ngbó zá batisimo ésakangu gó ngbè ngu na Yordani 7 Éngó bili tá, ná tsia nódjó kpara ngbó nó tóngó ka naza batisimo ó farizeyo de ó sadiseyo, téngi fá féwuó: ó dhinga mboma, éda fá féyi bã ikpe sitingó ngbó nó? 8 Itó jó nguwa ngbóngbó sesele de ná dji téyi. 9 De na bè támbayi isuga yi : á de woha Abarayama! 10 Bákáná té éló ésitéyete na fé ó seye dé ó yakpaye : éló nde ngbó Tó jó nguwa de okolo angu tóro gowa. 11 Ema, mate batisi yi dengu, tokana néké déyi mbi dei dji teyi; no kpara ngbó noga Sidi ngámá no éngu ndjandjaka gayi nye fema; malengeta dide na mburu le katara kangu. Engu, engu no nobatisi de Esipirisi Santu de wa. 12 Engu deno likama esakaye; engu fuu ga bolo, engu o ga go mbura o ndala, engo bili ta, engu tsuruga gani go wa no ngbo ndiya de. 13 Bakana Yezu ekowote go Galilaya go Yordani tenga Yowani,tongo ka naza batisimo esakangu. 14 Engo bili ta Yowani o gbagba, tengu fa: ma melema de mabolo de naza batisimo esakamo, de manota sidi ngamo! 15 Yezu du fengu: tsetse amele teye tsitsiane kokoro de a de dhinga ba nimele engo nde ngbo sesele. Te Yowani etiya beba ndjandjaka. 16 Go dhinga te Yezu za ete batisimo, engu yakoto go ngu.De itsia, étukpé ya ho teye, ano tengi tsia sipirisi Santu ka Eme ngbó kó bakana kurubu eko fengu. 17 Tsi tsia, eli bili yakoto étukpé: nengune de tabara, fe da maho engo nde go gumara.