Ngbekpa 2

1 Go dhinga té ozu Yezu tè go Betelema go Yudaya, go dhinga na ngámá Hérode, itsia ó ngbe kpara óya éndjongu ókoto go Yerusalema, 2 Tó fa bá: Ngámá kó yuda yó no éyáa zuté? Kókóró dé aya tsia kofala kángu endjongu, ánó nóbèbè éngó kangu. 3 Ngámá Hérode yã djè éngó no, mákiná kángu misà téyé, dé Yerusalema nde de kéngu. 4 Ingi ya buka ó hi fotewó dó hi ètè ngó, téngiyi tandjó wó séké nóngbó bá Yezu zu téyète. 5 Té ófa féngu bá: go Betelema go Yudaya; afano bákaná ó profeta etenani: 6 Emo, Betelema, mó détó na Yudaya, á de ngbilingó, mó de mbó kpara dé esuga ó that's ná Yudaya, áno, mógbega Ngámá no tiga ó dinga má na Izraëlita. 7 Adeno Hérode ya buka go lifi ó ngbe kpara na mákiná dó gara kpara lèke ó ngó jójó go ne dhinga ne kofala no tóéte ná tsi. 8 Téngi ya tima wuó go Betelema, tengi fa : inéké ka nodje éngó ná mbó djadji no timakangi no dé manéké kpikpikama nobèbè éngó kangu. 9 Sidi nga ná djē ngali ngámá, óya néké. Táno, kofala tóyatsia étukpé ngbó dhókó égilanó mbii gó séké nóngboéte mbó djadji no, téngu ya ló biso. 10 Go dhinga tótsiáte kofala no, tó so de ngbè zõ 11 ó yã lé gó sa gbámu tó tsia mbó djadji déké Mariya yiyié tó gbukuma tóhótó na bèbè éngó kángu; tóya ó tumba kawuó , tóya to féngi bèndélè, oro, de émó ná máfuru. 12 Sidi ngánga, té Eme fa féwuó bã ódji ngaó tokana sidi ka ngáma Hérode dé, óya du ngáwuó go gara kadjé. 13 Go dhinga tó néké té no, tsia, anzelu ka Eme yakoto Sidi nga Yozefu go lõtō téngi fá bā: yã étukpé de mozà mbõ djadji de yiyié, kpekpe go Ezipito, de motigā kã mbi mayã lo fémo; tano Hérode gélé gã mbõ djadji no tóngó ka na móróngu. 14 Té Yozefu yà, téngi zá mbó djadji no de yiyié tó kpe gó Ezipito. 15 Tóngbókà mbi ékpi ka Hérode, ánomele téyé bà tóngó ka nakukisi éngó té Eme fánáni go ómó profeta : mábùka éngama go Ezipito dé. 16 Ano Hérode, ná tsia bã ó móró makiná ngbó mélè wutu nódjo déngi no, téngi ya lé gó ndjándjá téngi tima bã ómóró ó djadji nde ngbóngbó go gálá boshu no ngbó go Betelema dó séké nde bahada bákáná dhinga na mázù káwuó Sidi ngómóró mákiná. 17 Ano ánóngbó tóngó ká ná kukisi ngáli profeta Yeremiya: 18 ó djè wiwi go Rama dó gba, dó ngbè tsinga: Rachele téku ó dinga ye, ingi kónda dé bā ó djè téwó, kókóró dé ó djadji kpiyi bã kpá. 19 Go dhinga té Hérode nó kpiétè, tsia, anzelu ka Eme ekoto go lótó Sidi nga Yozefu go Ezipito, 20 Téngi fá : ya étukpé de mozà mbó djadji de yiyié de mónéké go Izraelita, táno ó kpara ngbó nani gélé bã ómóró mbó djadji no ó kpihiyi. 21 Yozefu yà yia , téngi zá mbó djadji no de yiyié tó néké gó Izraelita. 22 Éngó bili tá, báka tó djè té bã Arkelausa ngbó yága go Yudaya go séké ka Hérode wuéngu, tsóró émèlengi tóngó ka nákotõ kã , de lótó ka Eme Sidi ngáye gó biti, téngi ya dji ngáye gó Galilaya, 23 Tengi tigago gbata té obhùka ba Nazareta ba amele téyēte bákaná ó profeta fá náni été: ó bhùka ga kóté no bà Nazareta.