Ngbekpa 1

1 Ingilí ka Yezu Krisitu, enga Davidi, enga Abarama. 2 Abarama zu'naní Isaka; Isaka zu'naní Yakobo; Yakobo zu'naní Yuda dé ondayi e; 3 Yuda de Tamara zu'naní Faresa de Zara; Faresa zu'naní Esoromo; Esoromo zu'naní Arama; 4 Arama zu'naní Aminadaba; Aminadaba zu'naní Nàsona; Nàsona zu'naní Salmona; 5 Salmona zu'naní Boaze de Ràba; Boaze zu'naní Obese té Rutà; 6 Obede zu'naní Isayi; Isayi zu'naní Davidi. Ngámá Davidi zu'naní Solomoni té wárá Uriya. 7 Solomoni zu'naní Roboame; Roboame zu'naní Abiya; Abiya zu'naní Asa; 8 Asa zu'naní Yozafata; Yozafata zu'naní Yorama; Yorama zu'naní Oziasi; 9 Oziasi zu'naní Yoatame; Yoatame zu'naní Akaza; Akaza zu'naní Ezekiasi; 10 Ezekiasi zu'naní Manasé; Manasé zu'naní Amona; Amona zu'naní Yosiasi; 11 Yosiasi zu'naní Yekoniasi de óndayi e, go dhinga té óbé wó go ndjaká go Babilónà. 12 Sidinga mabé go ndjaká go Babilónà, Yekoniasi zu'naní Salatiele; Salatiele zu'naní Zorobale; 13 Zorobale zu'naní Abiuda; Abiuda zu'naní Eliakime; Eliakime zu'naní Azoro; 14 Azoro zu'naní Sadoke; Sadoke zu'naní Akim; Akim zu'naní Eliuda; 15 Eliuda zu'naní Eleazare; Eleazare zu'naní Matana; Matana zu'naní Yakobo; 16 Yakobo zu'naní Yosefu, waté Maria, no Yezu ezu tèe tē, no ongbo buka Krisitu. 17 Egulu omambèmbè bukpa de fé e bálá de Abarama mbi Davidi, omambèmbè bukpa de fé e bálá de Davidi mbi go mabé go ndjaká go Babilona, de omambèmbè bukpa de fé e bálá nàtò mabé go ndjaká go Babilona mbi Kirisitu. 18 Itsia bakaná mazú is Yezu Kirisitu nokoto etè. Maria, yiyie engu, ngbo time nàzà Yozefu, eya zà bú, go ndjaká ka Sipiritu Satu, egilanó bā omaka té wó. 19 Yozefu waté ngi, ngbo de jo kpara té engu mà dini nàsiti elé Maria mámá, egbò bā otse té wó go lifi. 20 Bakaná engu ngbò kina fé 'ngoná, Anzelu ka Ngámá eno sidingangu gó màlà, efá : Yozefu, enga Davidi, kpe dé nàzà Maria, wárá mo, engi zà bú go ndjaká na Sipiritu Satu; 21 Ezùga enga komokò, té motò fengi élé Yezu; engi kowogà o ndayi e de ligbiri kà wó. 22 O nengó ndè motò tongóka nà kokisi no té Ngámá nofà dini té o profetà: 23 Itsia, itumba zà bú, ezù enga komokò, té otō fengi élé bā Emanuele, alingi nàfà Emè esuga hi. 24 Yozefu ezokò emele no té Anzelu ka Ngámá nofà féngi, eza Maria ede ngi. 25 Tà, embelà Maria dé mbi bā engi zù enga komokò, fedà engi tò élé Yezu.