1 Natsia ó libi kpara, Yezu lé fe tá ; Sidi ngá ngu nangbó, ómava ye yado téwó édengu. 2 So, ná hõ moye, téngi tó náshudha wó, téngi fá: 3 Lidjadja fé ómóró guma na tsinga, gó ngámá ná kpé á féwuó! 4 Lidjadja fé ókpara ná kõ , táno óngbó ga de gu gumá! 5 Lidjadja fé ó Kpara na jó gumá, óngbó ga óngamá na tó. 6 Lidjadja fé ó kpara éngbo de gumuzo de gumu bula, ano óngbó ga ó kpara ná sikabu. 7 Lidjadja fé ó kpara ná gumá na tsinga, ano ó djè ga Tsinga féwuó. 8 Lidjadja fé ó kpara na jó gumá, ótsiaga Eme. 9 Lidjadja fé ó hi yóngó, ano ó bukaga wó ódjinga Eme. 10 Lidjadja fé ó kpara nõ dje tsinga tóngó ka bula, gó ngámá ná kpé ngbó ga féwuó. 11 Lidjadja fé ó kpara nõ tosiriga wuó, tódjega ndjaka tsinga, tódjiga éléwó go sisiti kadje, tómelega wó dó ndandanga ngó té élémá . 12 Ingbó de lidjadja de jó gumá, kókóró dé ngbè lifuta kayi ngbó ga étukpé; Ano á bibã tómeléanani di ó profeta na gilánó. 13 Ide ngoto na tó té ngoto ndjia ngalaye féyi! A tiga be na tóro ekilidjó toyala de lé. 14 Ide zèwa na tó. Gbata éngbo fé tã alingita na wó téyé de. 15 O dedeke tala de hõ esa meza, éngó bili tá ó ngbó hõ fé meza té áshudha séké go bu té. 16 Bã de tala kayi ngbó bibã egila ó kpara, Sidi nganga de ó tsia ngánga de ó ziba wóyi éngbo go kpé. 17 Ikina de bano eme kadjé ngó na máfátá de ó profeta; máno tokana eme de , éngó bili tá to ka malingita. 18 Táno, matefa féyi go ngbilingo, té étó ya de kpé elema ndjia ga dé té kadjé óngó na máfátá bili ya gaye dé. Be éngó na motata na molongo. 19 To ka kpara ó kadjé ngó na máfátá kpara na shudha ó Kpara mèle bákáná, ngbó buka gaye go ngámá ná tikpé , éngó bili tá kpara ngbó tsia tengu shudha Kaye de ná tsia, kpara na ngbó buka téyé ngbè kpara go ngámá ná kpé. 20 Ano, má fá féyi, té bula kayi gulu ka ó hi éte ngó de ka ó Farisaya, ilé ga dé go ngámá na tikpe 21 A bákáná idje náni été Sidi nga ó diri kpara: imoro bili dé, kpara ga ingbó móró éngi de étumbu go djila ó zuzi. 22 Éngó bili tá má fá féyi, kpara éngbongbó de sirika gumá fé ndayié elingita de étumbu kó zuzi; kpara engbó fá fé ékili ye: kubaya! Éngi lingita de étumbu esaka ó hi gbo ngó kóyuda, teno kpara engbo fe ekili ye ba mode madobo! elingita de etumbu na mbelewa. 23 Tangbó bã kpara etó maziga go té ka Eme, Sidi ngánga té moya kina temo bã ndayimo dengo fémo, 24 Té mó tse maziga kamo egila ngbè té ka Eme, néké na djè téyi de ndayimo, Sidi nganga, de mono noto maziga kamo. 25 Teingbo de ekilimo dengó, go dhinga mo ete go kadje dengu, itse tangbo bádé ó gbo gayi ódjila ó zuzi tóngó na hó mó gó ku. 26 Mafa fe mo ngbili ngo, mokoto ka ga dé go dhinga té moto kose de. 27 Idje enani bã Imele gbáma ná tsia wara ekilimó dé. 28 Éngó bili tá éma, máfa féyi bã: té kpara na tsia wuruse tengi konda té gumá ngu méle gbáma. 29 Té djila mó na kokpá shudha mó té siti ngó, de mó eme aleke de fémo bã séké mó bili siti de mógó djogo gówa moze maze. 30 Té kpamo na kokpá tima mó gó siti ngo, ayo bã mó kolo; molé go ékpé moze maze, bá de kóté mó báda go gó mbelewa. 31 Ófa náni bã: té kpara eme waraye, déngi été ketsekpa na eme wuruse go kadjé. 32 Éngó bili tá, máfa féyi, té kpara éme waraye téngo ka gbáma éngi tima éngi méle gbáma. Noza wuruse tolike ngu go kadje, éngi méle gbáma. 33 Idje nani, ö diri kpara fá ba: kolo sirika de, éngó bili tá méle éngó té mokonda na méle fé Eme. 34 Éngó bili tá éma, máfa féyi bã ikolo sirika de , go ékpé dé, kókóró dé ángá de daséké ka Eme na mángbó. 35 Isla de, ángá de da lé Eme, go Yerusalema de kókóró dé ángá de ngbe gbata ka ngámá. 36 Kolo sirika go ngóró de, tóngó mó de kpara nádji sundjo bùbù to bébéré dé. 37 Li mó ngbó bã wóyi, wóyi, bádé, bádé; ó gara fé ékiliye dé no tó hõ fé ekiliye éya té móró wu. 38 Idje bã ofanani ba: djila fé djila, éte fé éte. 39 Éngó bili tá éma, máfa féyi bã ito gbagba fé siti kpara dé. Té kpara bè tagba djemo na kokpa, de modji féngi na gale. 40 Té kpara kóndá náfofo mó bã niza simisi kamo, tse téngi tokana koti kamo. 41 Té kpara tima mó námele déngi kadjé koto bili, méle koto boshu. 42 To fé óno ngbó yó temo, gálá na to féwuó bopuru de fé óno ngbó yó temo. 43 Idje nani bã kóndá ekilimó , de moyala no eyala mo. 44 Éngó bili tá má fá féyi, donda eyala mo, gongu fé óno ngbó sâmamo, méle jóngó fé óno gálá mó, de mókutemo fé Eme fé óno ngbó melemo sisiti, dóno ngbó to femo tsinga. 45 Bã deyingbo ódjinga ába go kpé; tóngó éngi gbe éla fé ó siti kpara dé ó jó kpara ; eto wago fe o ngbili kpara de o siti kpara. 46 Té ikonda ónono kondamo, ne fayida ne té iza? Ó hi bité kose ka lita ómeletewo be bã de? 47 Té ibitsa be ó ndayiyi, ne ndjaka ngó ne té imemele? ó hi lé dé méle be bákáná yi dé? 48 Ingbo sesele bákáná wóyi go kpé sésèle.