Ngbekpa 26

1 Go dhinga te Yezu ndjia te matanga, tengu fa fe o mava ye: 2 Imbela ba Pasika etiga kini boshu, otoga enga kpara tongo kana gbo ngu fe kurusu. 3 Natsiangu angbo bakana mogbala, te bongo kangu ngbo bubu ba sangu. 4 O kpara to na gele ba ozoro Yezu de ke guma, de na moro ngu. 5 Engo bili ta ofa ba: angbo tango na festo de, tongo ka na to yikiyiki fe o kpara de. 6 Bakana Yezu nongbo ete go Betaniya, go te ka Simoni moro gbole, 7 wuruse bili edo teye sidi ngangu, ezoro bukusa na emo na mafuru no ngbo ndjaka ngba; go dhinga tengu ete go meza, tengu dji emo na mafuru no fe ndjongu. 8 O mava ngu, natsia ba, oto na lofolo tofa ba: o siti he ba kane? 9 Aleke enani ba otikisi anga go ndjaka ngba, de oto kose na fe o moro tsinga 10 Yezu nambela engo tongbo kina, yafa fewo: tongo kane ikina fe wuruse ne? Engu mele jongo fe ma; 11 Tongo ideo moro tsinga elande esugayi, engo bili ta ito fema e he de. 12 Nafuru kote ma de emo no, engu meleyi fe mogo kama. 13 Mafa feyi ngbilingo, go seke nde otoga timo nango tengi memele, fesala nde, ologa engo te wuruse no mele fema. 14 Ano bili de ndjokpa de feye boshu, tobuka Yuda Skariota, eneke sidi nga o hi fotewo, 15 Tengi fa ba: ikonda nato fema ne ba mafongu feyi? Toya to fengu kose bakana ndjokpa bata. 16 Be go dhinga no, ongbo ma kadje to kana fo Yezu. 17 Go kini bili tongo kana zo bhukuma, o mava gji tewo sidi nga Yezu tofa ba: mokonda ba nileke festo na Pasika yo? 18 Tengu fa fewo: ineke go gbata sidi nga kpara bili, difa fengu ba: Ngama fa ba: Dhinga ngama ta moli; mamele ga festo na Pasika sidi nga mo domava kama. 19 O mava omele be bakana Yezu notimawote, to lekefesto na Pasika 20 Tambilago ya koto, engi ngbo fe meza do mava ye. 21 Go dhinga tongbo ete zo he, engi ya fa: Mafa feyi ngbilingo, bili esuga yi fo gama. 22 Owo nde ngbo de tsinga na guma, te kpara na kpara to na fa fengu: A de ma, Ngama? 23 Tengu du fewo: kpara ngbo o kpaye de ma go siani , engu deno fo ga ma. 24 Enga kpara te neke bakana to ete enani ete. Engo bili ta tsinga fe kpara no te enga kpara fo ga teye! Anoleke ba kpara no zu teye de. 25 Yuda, kpara nafo ngu, efa ba: A de ma, Rabuni? Y ezu ya du fengu: Mo fayi. 26 Go dhinga tongbo ete zo he, Yezu za bhukuma, sidi nga na bebe ngo ka Eme, tengu to fe o mava ye tengu fa: iza , dizo, ne de kote ma . 27 Tengu za kongu na ngu, sidi nga na bebe ngo ka Eme, engi to fewo tengu fa: Indjo eyi nde; 28 Tongo ene de ngotema, ngote na to ndayi esuga o kpara de Eme, noto teye fe o nodjo kpara tongo kana ndjia libiri. 29 Mafa feyi ngbilingo, mandjo ga tokana vinio de lelo deyi de mbi ga te mandjo anga deyi go ngama na kpe de wora. 30 Sidi nga na bi ti, toyaneke fe ta na Olive. 31 Te Yezu fa fewo ba: Mangbo ga feyi , be go biti no, kadje na mate ; tongo a ete teye: ma fwaga ga i tsi no dono na malila misa tewo. 32 Engo bili ta, ga te makowo teno, maneke ga egilano feyi go Galilaya. 33 Petero , eza li tengu fa fengu: baka te mongbo ga ete kadje na mate, mongbo ga ba de fema. 34 Yezu fa fengu: mafa femo ngbilingo, go biti na nane, egilano ba engo buka, moyala ga ma do bara bata. 35 Petero ya du fengu: nikpiga be demo, mayala ga mo de. Te o mava nde fa be engo bili no. 36 Fendjo engo no, Yezu neke de wo go Getesemane, tengu fa fe o mava: ingbo sene, go dhinga te ma nekete ku fe Eme. 37 Tengu za Petero do djinga Zebedayo boshu, tengu to na dje tsinga go guma ye tongo ka kpi. 38 Tano engu fa fewo: Gwama de tsinga mbi go kpi, ingbo sene de ilila de ma. 39 Ano, naneke egilano, tengu ho djila ye kito, tengu to na kuteye ba: Wora, tangbo jojo, de mo eme kongu no edera! mele engo te makonda fe ma, engo bili ta mele baka te mokonda ete fe ma. 40 Tengu ya neke sidi nga o mava ye, engu maka wo go la, tengu fa fe Petero: izwi dhinga naloteyi de ma! 41 Ito gumayi go losambo toka inote go ndjandjaka ngo de: ameletye bakana Ome ofa ete, engo bili ta so ma endalayi. 42 Engu do teye tokana do bara na boshu, eto ngoye fe Eme : Wora, anga jojo mama ba ongbo mele tewo bakana onofate. 43 Engu yano, tengu maka wo be go gola; tano djila wo ngbo de la. 44 Engu tse wo, tengu ya neke, tengi sambeli toka na do bara na bata, nafa be ngaliye bili. 45 Ano engu ya neke sidi nga o mava ye, efa fewo: itela, itewo! Tsia, dhinga kotoyi, enga kpara fo teyeyi fe o kpara na libiri. 46 I yiya naneke, itsia, kpara de fo ma engu moli. 47 Bakana engu ngbo lo, ete tengi tsiya, yudasi bili ka bukpa de feye bhochu, ekoto, de ono djo kpara de se ta de sape de okpotso, te ongbengbe i fo te o diri kpara etima wo. 48 kpara eno fo ngi fa fewo ba; no te fo mo ngi , izoro ngi. 49 Tsiya, odo tewo ede yezu, tengu fa, RABUNI modokoyi, tengi fo mongi . 50 Yezu fa fengi tabara ,engo te no mele memele ano te okpara to do tewo ya za kpawo o te yezu de zoro ngu . 51 Etsiya ,bili de ono ngbo nani de yezu eto kpaye tengou ngbe sape kaye ; tengu ya me morokitima ka ngbe ito te ye fe eme tengi kolo dje ngi . 52 Ano yezu fa fengi ge sape daye kpara egogo de sape kpi de sape . 53 Mombela namo de a ngbo ba ma yo te wo ma ba tengu nani ondjaka katara ko angelu ? 54 Ameleteye ba de ngali eme kokisi teye sidinganga da ya ngbo ba . 55 Go denga no yezu fa fe ondjo kpara ino ta sidingama bakana morozi de o sape de kpotso ba izoro ma ma ngbo nani elande mini esoga yi echulo yi go ngbe te ka eme de ino zoro ma de 56 Engo bili ta ono nde ekoto ba oma ete ka oprofeta lengeta . ano to mava ya tsengu to ya gbe . 57 Ono zoro yezu te oneke dengu sidinga kpe ifo teye kayifa , ka o i ete de diri kpara te oto biti te wo 58 Petero fata nga ngi ngengele mbi go tongba ka ngbe ifo te ye te ngi ya le de na ngbo ede wo morokima tongo na tsiya adjiya fe . 59 Ongbe i fo te ye de ikobo ngbo ma osisiti ngo tekote yezu , angbo ba omele de ngu kpi 60 Engo bili ta onomaka de te okpara nodjo to fa ngali wu te okpara bhochu , ya lo : 61 Ne efa :kpara na fa ba mamoro te ka eme te ma lu anga go kini bata . 62 Ngbe ifo te ye ya lo etikpe de na fa fengu : mo du ngo de ata dene te okpara otemo ? 63 Yezu ngbo ba bi te ngbe ifo teye za na longo fengi : sereka de eme no makowlo te mo fa fe a ba mo de kristu enga eme . 64 Yezu fa fengi ; mo fayi , ma fa feyi tsiyane itsiya ga enga kpara ngbo go djaka kpa na kokpa ka eme, te ngu ya ga fe bukpe na tikpe . 65 Ano ngbe ifo teye eya sura bongo kaye de na fa :engu sama teye ! a no ta o i ngbo da ngo oyi tongo kane ? tsiya ingi ya tsiane te idje masamaka ngu ikina ne ? 66 To du ta engu lengeta bi de kpi . 67 Te oku ngusu go djila , dema babala ndjongu o gara mengi 68 Kristu profeta fa fe a eda memo ? 69 Ano petero ngbo nani go tongba ekilidjo morokitima worose bili edo teye ede ngu tengi fa modiri mini de yezu kpara na galileya 70 Engo bili ta engu no yala ngo kangi te djila okpara te ngi fa mambela na made no ngo te moya fa no . 71 Ingi neke nolo molimoli ede molangote , gara worose tsiya ngi te ngu fa fe okpara nongbo so, kpara ne ngbo diri mini de yezu na nazareta 72 Engi ya lo tokana ngo kangi na kolo sereka, te djila okpara mambela na makpara no de . 73 Mbayi sidi tene ;okpara ngbo so te ono teo do teo ede petero ;te o fa fengi gbagba de modiri mini bili ka wo malongo kamo echudo ngo kamo. 74 Ano tengu to na yala ngo kangi ndjandja ka tengu kolosereka mambela kpara no de bi go denga kaka te mokongo ekugba 75 Te petero kina ngali yezu tengi ngbo fa ; ba egilo no na gba mokongo moyala ga ma do bara bata tengu koto ekilidjo de gba na tsenga ka yezu.