1 Ano Gongama na kpe abakana o worose bukpa, oza otala kawo, oya neke tongoka na maka komoko. 2 Buleve esuga wo ngbo dini o nabebe, te buleve ngbo o kpara namakina. 3 O nabebe, naza o tala kawo, oza dini emo de go o gbiye kawo. 4 Ta o no ongbo kina no oza anga, de o tala kawo, de emo go o gbiye. 5 Bakana te komoko ngbo dini lifila, te wo nde ondala oya la. 6 Eto biti, owanga: itsia komoko, ineke no maka engi! 7 Ano o worose no nde ozoko, te oya leke o tala ka wo. 8 O nabebe no ofa fe ono okikina no: ito fe a emo, o tala kani te ono te o. 9 Ono ongbo kina no odu: ale de; anga lingita ga de fe a de yi nde; ineneke sidinga o kpara otitikisi, de iya sia kayi. 10 Dhinga te oneke no sia anga, komoko eya koto; ono ongbo tikengangu oya le deke e gote na festo, te oya dhika langote. 11 Sidi tene, ono gara no ono, ofa: Ngama, Ngama, o feni langote. 12 Ta edu: mate fa feyi ngbilingo, mambela yi de. 13 Ilila, tongo imbela dhinga de, de kini de. 14 Engbo ga bakana komoko bili, no engbo dhoko, te engu bhuka o moro kitima kaye, te eya ge fe wo o e kaye. 15 Engi to fe gara talata bhuleve, fe gara bhochu, te eya to bili fe kpara na bata, fe wo nde natsia makoki ka kpara na kpara, te eya neke. 16 Tiane no eza taleta bhuleve eneke, no mele ba akoto nodjo, te engu ya maka o gara taleta bhuleve. 17 De angbo, gara no eno za taleta bhochu eya maka tokana bhochu fefe. 18 No eza nae be bili no eneke nodjo du go to ewo talata ka ngama kaye. 19 Alifila tene sidi, ngama ka omoro kitima no ego, eya bhuka wo tongoka o taleta kaye. 20 No eza taleta bhuleve edo teye, de taleta bhuleve, te efa: Ngama, mono to fele taleta bhuleve; tsia, mamaka tokana o gara bhuleve. 21 Ngama kaye efa: momele jojo, jo moro kitima; mo no ngbo ngbili kpara te o mbombo e, mato ga fe mo nodjo; le go lidjadja ka ngama kamo. 22 No eza taleta bhochu, edo te e efa: Ngama, mono to fele taleta bhochu; tsia, mamaka o gara bhochu. 23 Ngama kaye efa: momele jojo, jo moro kitima; mo no ngbo ngbili kpara te o mbombo e, mato ga fe mo nodjo; le go lidjadja ka ngama kamo. 24 No kpara bili eno za talata bili eya do teé, efa : ngama ,mano mbela ba mode kpakala kpara ,mo ngbe e da seke te molulu de, mo te da seke te mo bubu de. 25 Mano de tsoro, te maza talata kayi eneke nowo esato; adeno kayi dene. 26 Ishula go Kaye efa fengi :Moro kitima na madjandja de kotsa, mini mono mbela ba mawa seke te manolu ete de, makokolo daseke obubu ete de. 27 Ano ngbo ba modu faranga kama fe okpara na baki, go denga na mago ka ma, mano za de gara feye . 28 Iza esaka engi talata, Kaye ito anga fe kpara no engbo di bukpa. 29 Tano oto ga fe okpara no ngbo di nodjo, te engi koto di nodjo, engo bili no kpara no engi ngbo di ama. 30 Moro kitima kokoro, igbo engi ka go mbili bilti ekilidjo, ngboga ka seke na kugba de nazote. 31 Te galala enga kpara noga ete de mabebe, de anzelu ,engi ngbo fe bhala ka ngama na mabebe. 32 Okoto nde bite ga teho kanga engi ,bili do gara bakana o itsi no te ono na matsi omeme ; 33 Engi o ga ono na matsi go kokpa ,o meme go gale . 34 Te ngama fa ga fe ono ngbo go kokpa Kaye: inono, eyi okpara no te woma; ebuka Iza seke go ngama to leke feyi. 35 Mano ngbo de gomo ,ino to ezo fele, mano ngbo de gomo ngu ,ino to engi na madjo fele, manongbo de to kpara gbayi, ino to seke fele . 36 Manongbo de bongo mama, ino mbara de bongo, manongbo de eko, inono tsiara, manongbo go te ku, tiya no sidingama. 37 Ombele kpara du ga fengi :ngama,go dhenga ne anotsia yi gomo tato ezo, femo de gomo ngu ,ta to engu na madjo. 38 Go dhenga ne ano Tsia mo ete Bakana to kpara gba a ,ta to seke femo Manongbo ngelemba, ta ya to bongo femo . 39 Go dhenga ne Manongbo de eko ,go ku tayano sidingamo . 40 Te ngama du ga fewo :ma fa feyi ngilingo, go dhenga nde engo mele fe kpara bili mboyi tene esoga o ndayima, inongbo mele anga fema. 41 singanga te fa ga fe okpara no enongbo go gale ye: iya edema sidi ,okpara te woma ku ngu, feyi de ineke go mbele wa ka eme seke teono leke anga fe o gbongwa de anzelu kayi. 42 Te ,manongbo ete de gomo, inoyala de ezo, mano dje gomo ngu ,inoyalama de ngu na mandjo; 43 manongbo de to kpara gbayi, ino to seke fema de, manongbo ngelemba, inoto fema bongo de, manongbo de ko diri go te ku ,inotsiama de. 44 Ono du ga ba :ngama, go dhenga ne anotsiyamo gomo, de gomo ngu,Bakana to kpara gbaa Manongbo ngelemba diri de ko, go te ku te a to kpa a femo de ? 45 Te engi du ga fe wo: Mafa feyi ngbilingo, go dhenga nde ino mele anga de esoga eyi fe mbo kpara, bili ongbo mele anga fema. 46 Teokpara no nde ya ta ga neke go mbelewa, o jo kpara neke ga ta lora.