1 Bakana Yezu ngbo eneke ete nakoto go tepelo, o mava engi odo te o ede engi, ofa fengi ongo fe malu na tepelo. 2 Ta efa fe wo: ite tsia anga nde? Mate fa fe yi ngbilingo, teme tiga ga fe ekiliye teme sidinga namisa te ye. 3 Engi ya ngbo fe ta na Oliva. Te o mava ono be wo eyita ndjongi: fafe a, go dhinga ne engo na kotoga ete, de ne chile ga ba mano kamo ta moli de motata na molongo? 4 Yezu du fe wo: Ilila te yi ba kpara fite yi de. 5 Tongo o nodjo kpara noga de ele ma, te nafa: Mamelema de Kirisitu. Te oya fitega o kpara nodjo. 6 I djega ongo na go de gili ogo : ilila te yi go mambambanga, tongo ayo ba ongo no nde koto, ta anga na de ka motata na molongo de. 7 Gara kote dji ga te e fe ekiliye, te gongama fe gongama, te angbo ga, go o seke nodjo, gomo de bazuguzu na eto. 8 Anga nde ngbo ga be mato na make. 9 Ano o fofo ga eyi go o ndjandjaka o siti ongo, te omoroga eyi; te oyala ga yi kote nde mini tongoka ele ma. 10 Ano tokana, nodjo o kpara kpi ga, te ofofo ga wo, o gara yalaga o buye wo. 11 Nedjo siti o profata oya ga egalambu, te ofitega nodjo o kpara. 12 Te, o sisiti ongo ngbo ga nedjo, malanga ka o kpara nedjo kotoga gugu. 13 Ta o kpara ngbo ga elenda mbi egalambu na makowo kangi kowo ga e. 14 Jo Ngali Eme to ga te ye esa la nde go to, tongoka na ngbo timo fe o yingili nde. Tano motata na molongo ya koto. 15 Anga deno, dhingha te itsia o ndjandjaka siti ongo de o yangala sisiti ongo na kpi, te profeta Daniyele fa go sele da seke, ba o kpara ongbo li, lila te wo! 16 Adeno, ono ngbogo Yudeya kpe go go eta, 17 Teno kpara ngbo yo ndjo ete kho noza e engbo gobuti kaye de; 18 Adeno, no kpara engbo go eye djinga ye sidi noza bongo kaye de. 19 Tsenga ka o worose ongbo ga de bu, de ono ongbo ga to eka fe o djadji te la no. 20 Iku teyi fe Eme ba makpe kayi ngbo go Karanga de, diri go la na Sabata de. 21 Kokoro de, tsenga ngbengbe na ameleana te e de esala na to teye bakana te eto to teye enani mbi enane, te andja ga de. 22 Te, lango na ngbo gbogbo de, kpara bili kowo ga de; ile anga de. 23 Te kpara fa fe mo ba : Kirisitu sene, tokana: engi kpane, ile di de. 24 Ano, o sisiti Kirisitu de o siti profeta, omelega o ngbengbe ongo de o gboko ongo, tongoka na fite o kpara, te kadje o teye mbi de ono te Eme lolowo. 25 Itsia, ma fa feyi egilano ba akoto. 26 Te ofa feyi ba: ititsia, engi go ego, ineneke ka de. ititsia, engi go bute, ile di de. 27 Tano, bakana zewa neke ekati te ayia lee mbi endjongu, beba mano ka enga Eme ngbo ga. 28 Go gara seke, angbo de ka kpara, ka ozwa bite ta ndjowo. 29 Tsiane sene, sidinga ngbe tsenga, ela koto biti te efe so ndjandjaka bakana ela. Okofala te ga kito, ndjaka na kpe ya misa teye. 30 Ano, o tere ngo ka Enga Eme suda teye go kpe. Oyingi baada kito kute o, otsiaga enga kpara nogo mapata na kpe de ndjaka nde de mazeba kaye. 31 Engitima o anzelu kaye de kelelo te me teyo, tengi lolo o kaye ukubala na molongo, natoteye feganga dji mbi te fe gara. 32 Idjedje machilo go ekalo no lo figi. Go dhinga te o kpakpa oto nakoto, iya mbela dhinga na wago ta moli. 33 Beba, go dhinga te itsia ga ongo nde, imbela ba Enga kpara ta moli, ede mo langote. 34 Ma fa fe go ngbilingo, ingili no gulu de, te ongo no nde mini koto. 35 Ekpe de kito gulu ga, ta o li ra gulu ga de. 36 Tongo no etsia kini de dhinga, kpara bili mbela de, de angbo o anzelu go kpe, de angbo de djadji, Aba mbela mele ye. 37 No engo ekokoto go dhinga ka Nowa koto ga mini go dhinga na mago ka Enga kpara. 38 So, go o kini no egugulu egilano dhinga na masi ka ngu, o kpara ngbo zo te ongbo ndjo, ongbo za o worose te ongbo za o djinga wo na worose, mbi go kini te Nowa ele tete go zabo; 39 Te ongbo toto guma wo fe engo bili de, mbi te engu si te abe wo nde : angbo beba go dhinga na mago ka Enga kpara. 40 Ano, esuga o kpara bochu ongboga go ye, oza ga bili te bili ya tiga; 41 esuga worose bhochu ongbo yo komo, o eme ga bili te bili ya tiga. 42 Ilila te yi, tongo imbela kini te Ngama kayi no ga tete de. 43 Imbela anga jojo, te moro kote no mbembela dhinga te moro zi no ya koto sidinga ye go biti, eya kenge engi de engi tse engi de gulu. 44 Tongokana, eyi mini, ingbo kenge, tongo Enga kpara no ga go dhinga te ikina de. 45 Eda engbo moro kitima na makina, engbo dhoda kitima kaye? Engi de kpara te ngama kaye e o engi fe o moro kitima nde, tongoka na to fe wo ezo go dhinga kaka? 46 Lidjadja fe moro kitima no, te Esuda, go dhinga na mano kaye, makaga engi te mele bana! 47 Ma te fa fe yi go ngbilingo, engi ya o ga engi fe e kaye nde. 48 Ta, te moro kitima bili de mandjandja, egnbo fa go ye ba : Isuda kama no ga titiane de, 49 Te engi to name o bu ye, te engi ngbo zo de endjo deke o moro fande, 50 Isudha kaye no ga go kini te engi ngbo bitinga e de, go dhinga te engi mbela de, 51 Eya dede ga engi, te engi ya to ga kaye e esuga o isala : go da seke na ku gba te na nyaga o te.